منتديات كويتية النسائية - بوابة المرأة الكويتية

أم عيالها الغاليين · 10-06-2008, 06:16 PM

حبيبتي الله يتمم عليج ان شاء الله ويقومج بالسلامة ،،، حبيبتي السهاله من رب العالمين ،،، وأكون معاج جدا صريحة الخاص مشكلتهم وايد يستعجلون على الوحدة أحس همهم بس يلمون فلوس وعلى فكرة اذا سبحانه الله صارت حالتج حرجة على طول يحولونج على الحكومة ،،، أنا الحمدلله عندي 3عيال والله العظيم كلهم بالحكومة وآخر واحد ظليت بغرفة الولادة 22ساعة تخيلي مافيني طلق بس قاعدة ينزل على ماي وقلت حق دكتوري عشان يعطيني أي شي عشان أولد بسرعة والله العظيم مارضى قال انتي راح تولدين طبيعي على مسئوليتي وفعلا الحمدلله مثل ماقال
فتوكلي على الله لأنج انتي ادرى بحالتج

شوكلاته · 10-06-2008, 09:11 PM

الله يسهل عليج ..

انا بجري قيصريه بالراشد << مالت عليهم

وتوني الده من اسبوعين ... بالصباح عنايتهم زييييينه

وحتى ابرة الظهر يعطونج اذا طلبتي ودكتورات كويتيااااات شحلااااتهم ..

صج طولت 28 ساعه بس تستاهل دام طبيعي .. يصبرون ع الوحده

الله يسهل لج ... كان بين حمالي الأول والثاني سنتين .. الله يسهل لج

ام_راكان · 10-20-2008, 12:47 AM

انا يا اختي نفس الشي كنت والده قيصريه بمستشفى لندن ويوم كمل ولدي ثلاث شهور حملت الحين انا بشهر الرابع وارجع عند دكتوره صوفيا دكتورتي المفضله معاملتهم تهبل والله الحافظ

om-yoyo · 10-20-2008, 07:08 AM

شوفي حبوبه انا نفسج كنت والده قيصريه وحملت بعد 3 شهور بولدي الثاني و بصراحه رحت مستشفى السلام و وولدت بقيصريه بختياري و الحمدلله الجرح و لايبين و كل شي عال العال و انا الحين صارلي 10 شهور من ولادتي و مافيني شي و الطبيب لانه شاطر خلا الجرح الجديد على القديم و طبعا تجميلي ماشاء الله ما كوشي الا خط ضعيف نفس الشعره

مس.دايموند · 10-29-2008, 04:25 PM

حبيبتي عندج دكتور حسام كامل بدار الشفا يهبل مافي احن منه انا بولادتي تم على راسي لثاني يوم لاني رحتلهم ومافتح الرحم ومع هذا مارضى يسويلي قيصريه وكان يصبرني لما الله سهل

الترف · 11-06-2008, 07:12 AM

ام يويو بغيت اسال منو دكتورج اللي سوالج العملية

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر

منتديات كويتية النسائية - بوابة المرأة الكويتية

حكومه او خاص