تجمع مراجعات الاسنشارية د.امل عبدالعزيز الراشد

monera80

بنات شلونكم و شخباركم انا حبيت اليوم اتكلم عن هالدكتورة العبقرية واللي اهي ام للمريضات قبل لاتصير دكتورة , انا ولدت عندها 3 مرات و الحين انا حامل بالرابع والله يا بنات اعيز واتكلم عن شطارتها تخيلوا اني كنت والدة ولدي الثاني فتح بطن لان كان مستعرض و عقب اقل من سنة ولدتني ولدي الثان طبيعي لاني كنت اترجاها ان ما تفتح بطني و هي تقولي مستحيل يصير طبيعي لان جرح الفتح بطن راح ينفتح مع الطلق و انا اترجاها و ابجي وكانت كله تقولي ادعي و انشالله الله يسهل الامور و انا من ناحيتي كادكتورة بحاول بكل ما اقدر و اللة يستر لان بجازف و اولدج طبيعي ، لا على فكرة بنات انا فيني سكر بعد ، حتى الدكاترة الباجي يقولون لها انتي الدكتورة المينونة شلون بتولدين وحدة فيها سكر و والدة فتح بطن اقل من سنة ؟
وفعلا بنات تعت بالولادة وايد لان مايقدرون يسرعون الطلق علشان الجرح و لايعطوني بنج فكل شي كان طبيعي ، و الدكتورة حبيبتي صابرة و تحاول ان اولد طبيعي حتى الفحص اهي اللى كانت تفحصني من كثر ما اهي خايفة علي ، و الحمدالله بفضل الله ثم لها ولدت طبيعي بصراحة ما كنت مصدقة و اول ما فجني البنج ما سألت عن ولدي سيدة فتحت بطني بشوف فية جرح و لا لأ
اسفة بنات شني قرقت على راسكم ، بس حبيت اقولكم تجربتي مع الدكتورة الرائعة ، وشرايكم بنات نسمع رايكم و تجاربكم معاها او اللي سامعة عنها علشان كلنا نستفيد

future teacher

monera80

ياليت يا فيوتشر تيشر انعرف الاسباب الي خلتج تغيرينها علشان نستفيد مو اكثر

future teacher

حووور

سبحان الله الدكاتره تناسب ناس وناس لا

:)

يعني انا اتعامل مع الدكتوره ماجده اليتامى وهي معاي زينه لاخر حد
ومع رفيجتي ما ناسبتها

وهي توافيق من رب العالمين ,,,

يعطيج العافيه غلاتي

مس طوارق

الدكتورة امل بعيادة خاصة ولا بمستشفى؟؟
واي مستشفى؟؟

monera80

انا معاج يا اخت حووور انا معاي كانت حدها ممتازة وحتى خياطها عجيب والحلو فيها انها ماتشق وايد اصلا انا اولد عندها علشان الخياط حتى يوم ولادتي في بجري ادور الخياط ماني لاقيتة من كثر ماهو صغير .

حبيبتي مس طوارق اهي كانت بعيادة خاصة وبعدين غيرت مكانها راحت مستشفى رويال حياة بس لازم تدقين قبل يوم تحجزين موعد

مس طوارق

مشكووورة ياقلبي