فكره روعه للبشره

dloo3a · 04-29-2009, 10:13 PM

مساء الخير بنوتات

كيف حالكم ؟؟

اولشي وقبل لا ابتدي موضوعي / حبيت اشكر كل وحده حطت خلطه او وصفت لنا كريم
واستفدنا عليه لان الحمد لله وماشاء الله ,, شقد استفدت منكم ياكويتيات ومن تجاربكم ومن خلطاتكم ..

وحبيت اشكركم .. فمن لا يشكر الناس لايشكر الله ..

ثانيا :

حبيت أوريكم طريقتي البيتيه في تنظيف بشرتي ..
وطبعا هاي الطريقه للي ماعندهم جهاز بخار مثلي

يعني من اليوم وهو سااير لا تحتارين ياابنيه وتقدرين تنظفين بشرتج بأقل من ساعه
وانتي تشوفييي النظاافه والتفتيح .. لان البخار يفتح لون البشرره ويسااعد على تنظيفها حيل حيل حيل

وهاي الطريقه الا بكتبها / انا كنت استخدمها من ايام اعدادي وربي للحين مستمره عليها وبين فتره وفتره اسويها :

بسم الله وراح نبدأ .. :

المكونات << حشا طبخه

1- قدر فيه ماي ويفضل القدر يكون كبير شووي ..

2- ليمونتين

3- سكينول ( الا تفضلينه -- انا عن نفسي افضل الا ع مشمش )

4- نشا

5- ماي ورد

6- مرّه

7- فوطه

8- منظره كبيره

9- قطن

خطوات العمل

1
2
3
4
5
6

أولشي ياحبيباتي تاخدون جدر المايي ووتصخنونه على الفرن . وطبعا حاسبوا ان الجدر مشحون ماي للنص فقط

ومدام الماي يصخن ..

خدي الاسكينول وحطي منه شووي في القطن ونظفي ويهج عدل مدل وخصوصا ورا الاذن ترى يابنات هالمنطقه ماينظفها عدل مدل الا الاسكينول .. اوكييه ؟؟

نظفتين بشرتج بالاسكينول .. تركييها شوووي ترتاح .. وبعدين غسليهااا بماااي فاتر ونشفيها بالفووطه

وبعدين ياحلوات . .

أخديي ليمونه 1 وقعدي فركي ويهج فيها ( الا بشرتها حساسه وماتستحمل الليمون تقدر تحط عسل طبيعي ) المهم قعدي فركي ويهج وكانج تدلكينه .. وبعدين نروحي للمويه الصااخنه

ونجيبهاااا على الأرض ( انتبهي حطي خلق تحت الجدر لايخترق الاثاث خخخخخخخخخخ او حطيه بصينيه ستيل / او على طاوله خشب كيفج الا يريحيج .. زين ؟؟

المهم // خدي الفوطه وتقربي من الجدر بحيث ان بخار الماء يصي على ويهج ياحلوة ... الحين خدي الفوطه وتغطيي فيهااا ( والبخار تبع المايييي قبال ويهج طبعااا / وكل ما حسيتي بصعوبه لاتنفس طلعي من تحت الفوطه خدي هوا وردي دشي .. وبنات انتبهوا نتبهوا ( لاتقولون مانبهتكم / هالشي لاتسونه تحت اليهال وأفضل البيت يكون خالي مافيه احد عشان لا حد يدزج عن ابو غشمره او ماشابه ويحترق ويهج )

المهم / والبخار يجي على ويهج بتحسين ان ويهج يعرق واييييد / ويصب عرق مو طبيعي , الا تبي تتاكد ان البخار قاعد ينظف وييها تاخد كلينكس وتمشش شووي من وجهاا ووبتشوف الوصخ ويطلع /

المهم من بعد ماتحسين خلاص ان بشرتج نظيفه

تباعدي عن البخار وروحي يم المنظره وشوفي بشرتج شلون فتحت وشلون صايره لميعه وورديه ونظيفه , و بعدين استرخي شووي بس لاتروحين يم المكيف لا يحوشج شيي بعد بسم الله عليكم ..

من بعد هالخطوة نروح نخلط لنا ماي ورد مع نشا وليمون ونحطه على ويهنا .. ليش ؟؟ عشان لاتم مسامات الويه مفتحه على طول .. والنشا يشد ويبيض بعد .. ولان المسامات مفتوحه فبتتشرب النشا والليمون ..

مدام هالخلطه في ويهج / خدي المرّه ونقيعها في فنجان ماي ورد وخليها ع صوب
..

بعدين خليي خلطه النشا على ويهج لين تجف وغسليهااا ,,

وعلى طول حطي على ويهج المره والماي الورد المنقوع ..

خلي بشرتج تمتصه زين مازين ..

اما تحت العين لا تحطين فيه من الخلطه / حطي تحته شووي عسل طبيعي ادا عندش لانه يشيل الهالات ..

خلي الخلطه تنشف من ع ويهش .. وحطي كريم التبيضض الا تستخدمينه
انا عن نفسي استخدم أولاي بالتوت البريييي لانه افضل كريم نفع معااي

وبسس بنات

ملاحظه : ما أحلل اي احد ينقل طريقتيي لاي منتدى بدون مايذكر المصدر

وشي 2 بعد الا عجبتها طريقتيي لاتنساني من الدعاء فنحن بامس الحاجه اليه ..

وبعد اني حاضره لاي استفسار ,, واتمنى ان طريقتي عجبتكم ..

وادا تبون نصيحتي سوووها .. لان تنفع معاااي حيل وتفتحنيييي بنسبه 70%

وادا احط ميك آب بعدين اصير اجنن وبشرت تجنن

قولوا لا اله الا الله

وبسسس

وهالله هالله بالردود حبيباتي

ام عبود
منقول للامانة