رجع الامل لبشرتي والحمدلله

sassotwo · 05-27-2009, 01:48 PM

Mosaic Fractional Laser

السلام عليكم
انا وحدة مثل كل هالبنات عانيت من بشرتي واايد وكان يطلعي حبوب وتترك وراها اثر وكنت اروح الجمعية والاقي اي كريم لتبييض الاثر وما الاقي اي نتيجة وراه

وظليت على هالحال لمدة سنتين لحد ماماليت ونصحوني وايد اني اعمل الفراكسل بس والله خفت وايد لانا كثر ما سمعت هنا ان في بعض الاحيان راح يعطي نتايج عكسية

وبعد فترة سمعت عن MOSAIC LASER في جم عيادة ترددت بس لمن سألت رفيجاتي اللي جربوه قالو ان حتى لو ما شفتي اي نتيجة وهذا نادرا ما يصير مع هذا الجهاز ماراح يعطيج اي ردة فعل عكسية لبشرتك.

ظليت اشجع نفسي لمن سمعت ان ايديتا اللي اسوي عندها ليزر حق ويهي وانا مرتاحة منها واايد وتقريبا كل عيلتنا يسوون عندها ليزر المهم سمعت ان هذا الجهاز في عيادتها الحين حاليا ويديد تشجعت ورحت وسألتها وشافت بشرتي قالت راح اجرب الحين منطقة صغيرة على خدودي بس وبصراحة ما خفت لاني ان اعرف ايديتا من زمان واضمن شغلها وبالفعل سوتلي اول جلسة كانت من جم يوم والحين ما تصدقون شلون اشوف اثار البقع قاعدة يخف لونها يوم بعد يوم وكل ما اطالع المراية اقول هذا صج ولا قاعدة احلم فهمتني ايديتا ان البشرة قاعدة تجدد الخلايا وتشيل الخلايا الميتة وهذا يخلي بشرتي تتنفس وتجدد نفسها وعندها فهمت وحمدت الله وشكرت ان الحمدلله بعد طول فترة الصراع مثل ما يقولون مع بشرتي راح الاقي امل لان بشرتي قاعدة تعطيني امل اان يخف اثار الحبوب منها.

وانصح اي وحدة تعاني من بشرتها ان كان فيها اثار حب او تصبغات او بشرة ميتة ان تجرب هذا الجهاز وماراح تندم
بس هذا الجهاز مو موجود بعيادات وايدة بالكويت الا بجم عيادة .

واللي تبي تروح عند ايديتا تتصل وتاخذ موعد واهيا راح تشوف بشرتها وتحدد لها جم جلسة تحتاج وشلون راح تشوف بشرتها بعد كل جلسة واقولكم ان ايديتا خبيرة مشهورة بالكويت واكيد بهذا المنتدى كاتبين تجاربهم بالليزر معها
واللي اعرف عنها ان مواعيدها ما تكون قريبة لان ما شاءلله زباينها وايد
ومن ناحيتي انا لازم اتمنالكم الخير مثل ما احس ان الخير قاعد اشوفا بويهي راح اعطيكم رقمه وجربو
واضمن انكم ما راح تندمون
66015220
ونصيحة لا تتكاسلون لان خبرتني ان الاعلان نازل بعد اسبوع ويمكن ما تلقون عنده وقت

مملووحه · 05-27-2009, 08:35 PM

موضوووعك جااا بوقته
لاني قاعده اعاني من بشرتي
وجربت كل شي من دون نتيجه
بس انا مو من الكويت
انتي قصدك علاج بالليزر لآثار حب الشباب
وضحيلي اكثر
ربي يوفقك ويفرجها لك

nweeraa · 05-29-2009, 09:23 PM

مشكورة اختي على الموضوع
نقدر انسوي هذي الجلسة بالصيف والا للازم انطر ليه الشتا احسن وممكن اعرف سعر الجلسة جم؟
انا بصراحة بشرتي فيها حفر من اثار الحبوب تنفع معاي ؟

عروس الطائف 2009 · 05-30-2009, 05:56 AM

sassotwo · 05-31-2009, 05:12 PM

حبيبتي هذا خاصة ونتايجه مضمونة حق حفر واثار حب الشباب وحتى يعالج النمش وبقع الناتجة عن التعرض للشمس وحتى الحروق والندبات القديمة وحتى حببيتي ارجع واقول ما لا اي اضرار ومايخوف بالمرة والحمدلله انا لحد الحين نتايجة قاعدة اشوفه على بشرتى يوم بعد يوم
وتقدرين تسويه بالشتا او الصيف مافي مشكله
ونصيحتي جربو ماراح تندمون
وانا اذا شفت اي ضرر منه مو معقولة راح اقول لاخواتي الكويتيات ان يجربوه
والحمدلله قاعدة اشوف بشرتي يوم بعد يوم وكانها بشرة ثانية والحمدلله ان آمن وما يعطي نتايج عكسية
موفقين