|  |
 |  |
 |  |
 |  |
 |  |  |  | ||
| |||||||
| القصص والروايات قصص . قصص واقعية . قصص حب . قصص قصيرة . قصص مضحكة . روايات |
~مُــــــــلك القلــــــــــوب~ قصة قمــــــــــــــه في الروووعة
موضوع في القصص والروايات
 |
| | LinkBack | أدوات الموضوع | انواع عرض الموضوع |
10-28-2008, 07:05 AM
| #9 | ||||
| عضوة مميزة {..عيََونگْ آخر آمًًـآلےً ؛ .. 
|  واااااااااااااااااااااااا اااااو أخيييييييييييييييييييرا يالموووسه كمممممممممليهاإ في إنتضاااارك
| ||||
|  |
|
10-28-2008, 01:06 PM
| #10 | ||||
| مشرفة سابقه  
| هلااا حبيبتي سع سع :) من عيووني يا قلبي بكملها لعنووونج :)
| ||||
|
| |
|
10-28-2008, 02:00 PM
| #11 | ||||
| مشرفة سابقه
| الجزء: الثاني نوره بنت عمها نامت عندها، وقالت لها: حبيبتي غلويه انتي مريضه شويه .. إن شاء الله باجر تطلعين __________________________________________________ ______________ ولما طلعت غالية من المستشفى كل بنات عمتها زاروها وحصه بنت عمها بالصالة كلهم فرحانين على طلعتها بالسلامة لكن لي حد الآن الحزن يعم الجدة وعيالها وبنتها على فراق ولدهم وزوجته وولده أمل: ها غلويه؟ إن شاء الله زينه الحين؟ ابتسمت وهزت راسها بالموافقة شروا لها ألعاب الدنيا، ونصهم كانوا من طلال اللي كان أكثر واحد فرحان لطلعتها من المستشفى حصه كانت غيوره ومتعوده إن الأنظار دايماً عليها ما تخيلت بيجي يوم وبيهتمون بأحد غيرها كانت تطالع غالية بقهر، والعبرة خانقتها لأن محد معبرها وببالها تقول: "شكلها خلاص استحلت تفكيرهم كله" _________________________________ اليوم بداية العطلة الصيفية بوفواز خال أمها _الله يرحمها_ زارهم وقعد مع بوبدر بالديوانية عشان يتناقشون بموضوع غالية بوبدر كان متمسك بغالية بنت أخوه ولا وده تطلع من بيته وقال إنه هو اللي بيكون مسئول عنها وتفهم بوفواز الوضع، ووصاه عليها، لأنه يدري إنه بوبدر هو الأحق بتربيتها، بس طبعاً بوفواز خاف على غالية ومصيرها عشان جذي راح يسأل عشان يطمن قلبه بوبدر: لا تحاتي يا بوفواز ... غالية بنتنا بوفواز: فيك الخير والبركة يا بوبدر ______________________ فوق بالصالة أم بدر جمعت كل أغراض غالية بجنطتين كبار حمد: يمه ... وين بتسكن غالية؟ طلال: عندنا طبعاً حمد: أي غرفه بتاخذ؟ أم بدر وهي منشغله تراقب شغل الخدامة وطلال اللي يشيلون باقي الأغراض بغرفة نوره: غرفة نوره طبعاً غالية كانت قاعدة تلعب مع شوق بنت نوره بالألعاب الجديدة اللي شروها لها ونوره تطالعها بحزن ودموعها تنزل ______________________
| ||||
|
| |
|
10-28-2008, 02:11 PM
| #12 | ||||
| مشرفة سابقه
|  _مروا شهرين على الحادث_ وشوي أخذوا على الوضع وتأقلموا إلا أم عبدالله اللي للحين ما نست علي ولدها ولا لحظه، وكان معاها بكل وقت هو وأحمد ولده وزوجته طلال كان أكثر واحد متأثر ويعطف على غالية وكل ما راح مكان شرى لها شي وهي تعودت عليه بسرعه غالية بفرح وهي تطالع اللي ماسكه طلال: شنو هذا؟ طلال ابتسم وقعد جنبها: هذا اسمه خدود البنات ضحكت غالية من الخاطر على الاسم وهو يراقب ضحكتها الملائكية طلال أشر على خدودها البيضة الموردة وقال: شفتي شلون نفس خدودج؟ غالية وهي تاكل منهم: نفس خدودي؟ طلال ضحك: إي نفسهم بالضبط باس خدها وقام عشان يغير ملابسه، ولاحظ إنها شوي متنت وبدت تسترد عافيتها وكل ما سألت غالية عن أمها وأبوها وأحمد، كانوا يقولون لها إنهم مسافرين وينسونها السالفة بسرعه هالسنه غالية خلصت أولى ابتدائي وقرروا إنهم ينقلونها للمدرسة القريبة اللي بمنطقتهم عشان تكمل باقي مراحلها الدراسية فيها __________________________________________________ _________ حصه زارت بيت عمها عبدالله، عشان بتروح لغالية وناديه وندى وكانت جايبه معاها أحلى وأجدد ألعابها بس عشان تقهر غالية! _______________________________________ مرت الأيام .. وأمل بعد ما بلغتها أمها عن خطبة بدر قامت تستحي تروح بيت خالها فرحت واستانست يوم عرفت بس كتمت فرحتها عند أمها _________________ طلال وأمل دخلوا الجامعة وبدر راح لثالث سنه جامعه وحصه وناديه راحوا لثانية متوسط (للصف السادس) وغالية وندى بثانيه ابتدائي ________________ بدر كلم أمه على أساس إنها تخطب له أمل رسمي وتتم الملكة أم بدر: يا بدر يا حبيبي ... عمك ما صار له 4 شهور متوفي، انطر على الأقل شهرين وإن شاء الله ما يصير خاطرك إلا طيب تنهد وقام: إن شاء الله يا يمه بنطر ________________________ طلال قام يودي غالية المدرسة ويجيبها وكل ما أخذها بالسيارة عذبته بالطلبات تبي الدكان تبي بطاط .. تبي عصير .. تبي كاكاو وهو ما يرفض لها طلب لف عليها بعد ما شرى لها اللي تبيه: ها الحين نقدر نروح البيت؟ ضحكت عليه وقالت: إي وهو هز راسه يمين ويسار يضحك عليها _________________________ دخلوا البيت ولقوا أم بدر وبوبدر وأم عبدالله بالصالة يشربون شاي طلال شايل جنطة غالية بإيد وكتبه بإيد: السلام عليكم ردوا كلهم: وعليكم السلام أم بدر: كل ما بغيت أودي السايق يجيب غالية تذكرت إنك جايبها ... ليه ما تعطيني خبر إنك بتجيبها؟ قعد وهو يتنهد من التعب وجو الصيف الحار: خلاص يمه .. أنا إن شاء الله بوديها وأجيبها ... ما له داعي سايق بوبدر استانس من ولده: بعدي ولدي ... والنعم فيك والله ابتسم، وقرر إنه يسوي جدوله بالكلية بوقت روحة وطلعة غالية ________________________________________ تغدا ونام له ساعتين بعدها قعد واتصل بجاسم رفيجه واتفقوا إنهم يطلعون يتمشون ويتعشون برى غالية كانت قاعده بالصالة تطالع التلفزيون لما شافته لابس وطالع من غرفته نادته غالية: طـــلال لف عليها وابتسم: هلا غلويتي قالت بحزن: وين بتروح؟؟ نزل لمستواها وباسها وقال: بروح مع رفيجي جاسم غالية: بتطول؟ طلال: يعني أتعشى وأرجع غالية كانت تخاف من كل شي، ومو متعوده حيل على هالوضع والعايلة الجديدة، ووجود طلال جنبها يطمنها طلال: ها أروح؟ غالية: زين روح ضحك ووقف وقال لها قبل لا يطلع: غلويه ... نامي مبجر ... الصبح مبين عليج دايخه غالية: أنت تعال وأنا أنام أشر على خشمه وقال: على هالخشم ضحكت ببراءه وخجل، وطلع طلال _____________________
| ||||
|
| |
|
10-28-2008, 02:16 PM
| #13 | ||||
| مشرفة سابقه
| _بسيارة جاسم_ جاسم كل شوي يلف يطالع طلال، ويرد يطالع الطريق وطلال طول الوقت ساكت وكأنه سرحان جاسم: هوووه ... وين رحت يا الحبيب؟! وعى على صوت جاسم وابتسم: موجود جاسم: أدري إنك موجود ... بس عقلك مو موجود تنهد وقال: إي أفكر شوي جاسم: وشنو اللي شاغل بالك هالكثر؟! طلال: غالية لف جاسم عليه بسرعه وقال: ها؟؟ ... ومنو هذي؟ طلال: بنت عمي الله يرحمه جاسم: إي .. الله يرحمه إن شاء الله طلال: والله شاغله بالي هالبنت (لف على جاسم يكمل كلامه) تصدق جاسم ... البنت هذي شي غريب ... والله يا جاسم عمري ما شفت مثلها ... قبل كانت ساكته وهاديه ... والحين من تعودت علينا قامت تسولف وطبعها ما شاء الله حلو ... بس اللي محيرني إنها تعلقت فيني حيل .... يعني الحين يوم طلعت ... ضاق خلقها ... أقول لها نامي اليوم الصبح كنتي دايخه ... تقول لما ترجع أنام جاسم: وأنت ليش جذي مهتم فيها وتحاتيها؟! ... اتركها تشوفها أختك ولا أمك طلال: تقدر تقول عطف! .... كسرت خاطري .... لأني لو أفكر بلحظه وحده إنه أهلها متوفين .. أعرف إنه مستحيل أحد يقدر يسد مكانهم أو يحبها ويخاف عليها كثرهم جاسم أخذ نفس عميق وقال: إي والله وأنت صاج وأنا أخوك ... على الأقل اكسب أجر فيها __________________________________________________ ______ أم بدر لقت غالية تطالع التلفزيون بروحها ابتسمت وقالت لها: غلويه حبيبتي ... نوره تحت تقول لج جيبي جنطتج وتعالي تبي تساعدج بدروسج قامت وقالت: زين وأخذت جنطتها ونزلت لنوره بنت عمها اللي قاعده تدرس ولدها محمد، واللي صار عمره 9 سنين ودخل 4 ابتدائي __________ بعد ما أذن أذان العشا راحوا جاسم وطلال المسجد عشان يصلون بعد ما استانسوا وافتروا وشروا كل اللي بخاطرهم وأول ما طلعوا التفت طلال وقال: جاسم .. يالله خلنا نرجع جاسم وهو يطالع الساعة: تو الناس يا أخي ... مو قلنا نبي نتعشى؟ طلال: لا لا ... مره ثانيه ... بس كافي وخلنا نرجع جاسم: اللي تشوفه ... يالله مشينا _____________________ غالية بعد ما تعشت مع عيال نوره، قامت تلعب معاهم بالسرداب قال لها محمد: غالية .. انتي شفتي أمج وأبوج لما ماتوا؟ رفعت راسها مصدومه: شنو؟ محمد: أمج وأبوج لما سووا حادث وماتوا غالية: لا أمي وأبوي مسافرين محمد: لا منو قال؟ غالية: كلهم قالوا لي محمد حس بصدمه وسكت غالية: صح مسافرين؟ محمد: ما أدري لعبت شوي وبالها بعيد بعدها قامت وصعدت بسرعة لغرفتها وسكرت الباب وقعدت تبجي وتبجــــــي وتبجــــــــي _______
| ||||
|
| |
|
10-28-2008, 02:22 PM
| #14 | ||||
| مشرفة سابقه
| أم عبدالله وبوبدر وأم بدر ونوره وبدر قاعدين يطالعون التلفزيون تحت ويشربون شاي ويسولفون طلال: السلام عليكم الكل رد: وعليكم السلام قعد وقال: ها نوره شلونج؟ نوره: الحمد لله بخير ... أنت شلونك من زمان عنك طلال: هههههههههه .. ما كأني شايفج أمس بدر: إي ذبحتنا ... كل يوم لازقه فينا ما وراها زوج ولا بيت نوره: لا والله؟؟ أم بدر: يالله عاد ... خلوا بنيتي ... كيفها البيت بيتها نوره: إي والله ... كافي إني أختكم الوحيدة طلال: لا ... غالية بعد أختنا نوره: يعني تبيني أغار منها؟؟ ... وغالية أحلى وأغلى أخت بهالدنيا استانس طلال وضحك: لا والله ما أبي أحد يغار منها .. بس غالية مو أختج بنتج نوره: إي بنتي .. وخير يا طير ضحك وشرب ستكانة شاي وبعدها قام بيطل على غالية __________________________________ أول ما فتح باب غرفتها لقاها تبجي بحراره انقبــــــــض قلبه وحذف الأكياس اللي بيده وقرب منها ومسك كتوفها طلال: غالية ... غالية حبيبتي ما ردت عليه ... كملت بجيها ... هز كتوفها: غالية ... غالية ردي ليه تبجين؟؟ شفيج؟؟ ولفها صوبه، وما شاف إلا دموع بهدوء قال: غالية حبيبتي ... شفيج قولي؟؟ ... شنو اللي مزعلج؟ قالت وهي تشهق وتبجي: محمد .. محمد طلال: شفيه محمد؟ بالموت تتكلم وتمسح دموعها: قال .. قال أمج وأبوج وحمودي أخوي .. مـ .. ماتوا عــــــــــــــلامات الصدمة اعتلت وجهه!! فتح عيونه على الآخر ما يدري شيرد عليها؟! وده يقوم ويذبح محمد ضمها بقــــــــــــوه، وهي تبجي وتبجي وهو يفكر شلون بتتقبل الوضع؟! نطر لمدة نص ساعة تقريباً لقاها هدت وسكتت فجأة!! رفع راسها بهدوء بيشوفها لقاها نامت وارتاح وحطها بسريرها، وراح يجيب كوب ماي وحطه جنبها، وفتح أبجورتها وطلع وسكر الليت والباب __________________________________________________ __________
| ||||
|
| |
|
10-28-2008, 02:27 PM
| #15 | ||||
| مشرفة سابقه
| _مرت أيام ثقيلة_ لين صار اليوم اللي ينتظره بدر وتم عقد قرانه هو وأمل والكل فرحان والجدة نوره كانت تبتسم مره ومره كانت تتذكر ولدها لو إنه معاهم جان فرح مثلهم وتنزل دموعها وتمسحهم بسرعه طلال: هاا ... أشوف اليوم ما بطلت ابتسامات ... اركد اركد بدر: يا أخي شسوي ... مو مصدق طلال: هههههههههه لف حمد يطالع طلال: الفال لك يا الحبيب طلال: ولك فهد لف على بدر وقال: هالله هالله بأختي ... حط بالك عليها ما أوصيك بدر: يا ويلنا جتنا التوصيات من أول ليله _________________________ داخل البنات الصغار كاشخين ولابسين أحلى اللبس ومبطلين شعرهم ويرقصون واللي مسيطره على الرقص كله حصه أمها ما خلت شي ما سوته لها ربطات على الشعر، والنفنوف اللي ما في أحلى وأغلى منه ورقصها الجريء، وحلاوة دلعها كان الكل يطالعها أما غالية وندى، لابسين نفس اللبس نفنوف ذهبي فيه شرايط كحليه، ومبطلين شعورهم ومستانسين وغالية كأنها لعبه، حلوه وناعمه وبيضا وشعرها حريري أسود وجدتها من اليوم تسمي عليها __________________ دخل بدر على جدته وأخته وأمه وخالته عبير 37 سنه، واللي طول أيامها برى الكويت، زوجها سفير، وعندها ولدين عبدالرحمن 16 سنه، وعبدالعزيز 15 سنه قعدوا الحريم يلولشون من الفرحة وطلال أول ما دخل طارت عيونه بغالية، اللي اليوم كانت غير شكل راحت له تركض وسلمت عليه طلال: هالله هالله ... صايره كأنج أميره ابتسمت بسعادة وردت لهم فاطمة: يا بختي والله اللي بدر زوج بنتي ضحك بدر بخجل وقال: يا بعد قلبي يا عمه الجدة نوره لفت تطالع طلال: يالله الفال لطلال وحصه انصدم طلال، لف يطالع جدته! وحصه من سمعت كلام جدتها استحت، ودها الأرض تنشق وتبلعها أم بدر: وحمودي نظر عيني أم عبدالله: وحمودي بعد ناديه وحصه قربوا من بعض يضحكون على جدتهم واللي قالته ______________________________________ حددوا العرس إنه يكون بتاريخ 22-6-1990م بعد الكورس الثاني ___________
| ||||
|
| |
|
10-28-2008, 02:33 PM
| #16 | ||||
| مشرفة سابقه
| طلال وهو يتريق قال للخدامة تنادي غالية صعدت الخدامة تناديها ونزلت غالية بسرعة طلال: وينج غلويه؟؟ غالية: كنت أتسبح طلال: لا إله إلا الله ... شوفي شعرج كله ماي غالية: عادي طلال: زين يالله تريقي غالية: ما أبي طلال: ما يصير ما تاكلين شي ... يالله اكلي غالية: والله ما أبي شال عيونه عنها، وأخذ لها توست وحط فيها جبن، وأخذ لها عصير وعطاها ضحكت وأخذتهم منه وبقلبه يقول: "يا ربي هالبنت تبي تجنني ... يا كثر غلاها بقلبي" مسك جنطتها وراح السيارة وقال لها تلحقه ___________________________ وعلى نفس المنوال، هو اللي يردها البيت لما رد البيت لقى بدر يتكلم بالتلفون بدر: يعني تدرين إني أبيج من زمان (ويضحك) هز راسه طلال وضحك وقال: ما يمــــــــــــديك لف عليه بدر وأشر له يسكت ويروح فوق وحط عينه على غالية، يعني لا تسمع طلال: يالله غالية امشي نتغدا فوق مسك إيدها وجنطتها وراحوا فوق لقوا حمد بالصالة حمد: هلاااااا والله غلويه ... تعالي حبيني سلمت على حمد وراحت غرفتها عشان تبدل أم بدر: وينك يا طلال؟ تأخرتوا! طلال: شسوي يمه زحمه ... وحادث قدام الإشارة أم بدر: لا حول ولا قوة إلا بالله طلال: لا بس الحمد لله حادث بسيط أم بدر: ما تغديت؟ طلال: لا والله ما تغديت ... خفت أتأخر على غالية أم بدر: خلاص أجل يا أمك .. على ما تغير هدومك تلقى الغدا زاهب راح لغرفته، ولف قبل لا يسكر الباب وقال لأمه: يمه ولغالية بعد ... تراها جوعانه ضحكت أمه وقالت: إن شاء الله من عيوني كانت تدري شكثر طلال يحب غالية ويحاتيها قبل نفسه __________________________________
| ||||
|
| |
|
| العلامات المرجعية |
| الكلمات الدلالية (Tags) |
| الروووعة, في, قصة, مُــــــــلك |
| أدوات الموضوع | |
| انواع عرض الموضوع | |
العرض العادي
| |
