اطباق للريوق ( وجبة الفطور )

انار · 01-18-2009, 07:27 PM

السام عليكم
عزيزاتي بنات منتدى كويتية
عندي ريوق بالمدرسة
دورت دورت دورت بالمنتدى عن اطباق تصلح الصبح مالقيت فكرت وقلت ليش ما نسوي موضوع بس لاطباق الصبح من حمسات ، اطباق ، سلطات ، معجنات ، حشوات ، وغيره من الاشياء اللي تصلح واللي تدش ياريت تعطيني لو فكره
قواكم الله

انار · 01-18-2009, 07:30 PM

التوست اللذيذ
طبقة توست منزوعة الاطراف يرش يقليل من اللبن حتى لا يحترق بالفرن
حمسة مكونة من جميع الخضار ( بطاط ، كوسا ، جزر ، فلفل بارد وحار حسب الرغبة ، زهرة ، ملفوف ) مع شوبة زيت مازولا وماجي
طبقة توست اخرى فوقه
كوب جبن كاسات مع ملعقتين مايونيز
يوضع بالفرت حتى يحمر من فوق وشكرا حق الطاهية العجيبة ام عبيد على هالطبق اللي كليناه كلنا وماخلينا شي حق الباجي
اذا قريتيه ردي علي بطبق ها

سعوديه واحب الكويت · 01-19-2009, 11:41 AM

موضوع رائع ومفيد

ولي عوده ان شاء الله ..

ينقل لقسم المعجنات والساندويتشات

يـــثــبـــت ..

انا مو شي انا كل شي · 01-19-2009, 11:49 AM

برجر لحم مقطع طوليا ويتبل-----بالمليونيز والكاتشب وزيت الزيتون والدارسين والفلفل الاسود ويشوي بالفرن

طبعا ما في احد راح يصدق ان هذا برجر راح يضنون انة ستيك لحم

وبعدين قطعي بصل شرائح وفلفل اخضر شرائح وثوم

احمسي البصل مع الثوم والفلفل الا خضر وضيفي لة البرجر بعد مايتحمر وقلبية علي النار

جيبي الصمون وادهنية بالخلطة التالية مايونيز+قليل من الكريمة الحمرا+قليل من جبن كرفت السائل (اخلطيهم وادهني الصمون فيهم)

وحطي جبن سلايس وبعدين الحشوة

وشوفييييييييييييييييييييي الطعم الخيالي كانك تاكلين ستيك لحم من المطاعم

جربيييييييييييييييييييييي ييييييييييه ماراح تندمين وقولوووووووووووولي النتيجة

د-سوسه · 01-21-2009, 06:16 PM

انا طريقتي حلوه وسهله ...
تاخذين توستتين الاولي تسوين فيها دائره بقلاص اوبالقطاعه ايصير كانه فيها حفره ...
الثانيه تحطين عليها قطعه جبن سلايس وتحطين عليها التوسته الثانيه وبعدين تكسرين بيضه داخل الحفره وتدخلينها الفرن لما تستوي البيضه ..وبالعافيه هذي الطريقه انا غاشتها من مطعم جوكليت بار :)

ورده القصور · 01-21-2009, 06:24 PM

لاتطووووووفكم هالخلطة

تصلح حقالريوق ولا العشااااااااء

وميزتها انج تقدرين تحفظينها بالثلاجة لمدة 3 أو 4أيام

المقادير :
-------------
جبن أبيض أي نوع ( فرنسي أوالبقرات أو أي نوع تحبونه)
لبنة القوطي الصغير أو جبن فيلاديفيا الصغير
خيارمقطع مكعبات صغيره
طماطم مقطع مكعبات صغيرة
زعتر 4 ملاعق كبار
فلفل قراشعلى حسب الرغبه
زيت زيتون
ربع كيلو زيتون مقطع مع فلفل حار >> تلقونهعن الي يبيعون جبن بالكيلو وهذا سر الخلطة

ورده القصور · 01-21-2009, 06:25 PM

طريقة عمل كيكة اللبنة( بالكويت نسميها الجتني
المقادير :

1 لبنة كبيرة
3 ملعقة كبيرة مايونيز
نصف روب
بقدونس
كم ورقة نعناع
جزر مبشور ( 3 جزرات متوسطات الحجم )
فلفل بارد مقطع قطع صغيرة ( 2 حجم وسط )
زعتر
زيتون مبشور
4 اكياس توست ابيض

الطريقة :

1- تخلط ثلاثة ارباع اللبنة مع المايونيز مع الروب مع كمية من البقدونس مع النعناع مع كمية من الجزر المبشور والفلفل البارد في الخلاط لتصبح مثل الصلصة المتوسطة القوام .
2- تقطع اطراف التوست .
3- في طبق متحرك يصف التوست طبقة واحدة ثم تشرب بالصلصة السابق ثم يرش قليلا من الزعتر ثم توضع طبقة توست ثانية ثم تشرب بالصلصة وترش بالجزر المبشور ثم طبقة ثانية من التوست ثم ترش بالزيتون المقطع ثم تعمل طبقات من التوست والصلصة حسب الرغبة مع رشها بالزعتر او الزيتون او الجزر او اي شيء انت تفضلينه ولكن اخر طبقة من التوست لا تدهن بالصلصة بل اللبنة المضاف اليها القليل من الماء حتي تكون مثل الكريمة .
4- تغلف بنايلون التغليف وتدخل للثلاجة وبعد ساعة علي الاقل تخرج ويفك الطبق
5- تدهن اطراف الكعكة باللبنة وتزين بالزعتر والبقدونس حسب الرغبة

ورده القصور · 01-21-2009, 06:27 PM

سلطة الحمص

ومقاديرها
ملفوف مقطع شرائح
وطماط
وخيار
وخبز محمص
وحمص
وجزر مبشور
والصلصه
ليمونه + زيت زيتون + فص ثوم ناعم + ملح

الطريقه :

تخلط المقادير مع بعض ثم نضيف عليها الصلصه وتقدم

Content on this page requires a newer version of Adobe Flash Player.

اطباق للريوق ( وجبة الفطور )

موضوع في المعجنات والسندويتشات