ما هي افضل طريقة اقنع زوجي فيها يروح لراقي شرعي

الزهرة الحزينة

حجيه هنونه: تدرين انا قريت على ماي وقاعده ارش بالبيت واقرأ سورة البقرة وابخر البيت بس للحين ما قلتله لاني خايفه يفهمني غلط وهمن نفس الشي مع اهله خاف يوصلوله حجي اذا قلتلهم عن الماي وبعدين يفكر تفكير ثاني ويقول سحرومهمن كان اهم اهله صج يحبوني بس خاف اهم نفسهم ادور براسهم ان الماي فيه شي. بس راح احاول اكلمهم خواته اهما اييبون ماي مقري بطريقتهم ويعطونه مو جذي احسن.

ام زيزو: ادري انه غلط احس ابملل بس تعبت والله تعبت احس مثل اللي ينفخ بجربه مقطوعه، ابييه لو بس تشوفين شلون يعاملني ، والله لو واحده غريبه يحترمها ويعبرها اكثر مني ، يطلع مع عياله ما يقول تعالي صار لي شهرين وشوي ما طلعت معاه ولا ركبت سيارته ولا عشا ولا غذا ، لا وبعد حتن حقوقي الشرعيه بالشهر او شهرين مره، انا متضايقه لان حتن لو ما ابي بس احس رفضه دليل انه كارهني وما يرغب فيني ، تدرين باحساس المنبوذه، بس سؤال: اهوه اللي اتعرف على هذي الحقيره واهيه اللي سحرته، يعني اهوه اللي غلط وياب الشر لين البيت، ليش اتحمل، لو شايفه شوية حنية ميخالف ، بس والله كل محاولاتي هذي لانه ما كان جذي وكان حيل يحبني ، وانا احبه وما استغني عنه وللحين اشيل له حصته بالاكل او الحلوى او الكاكاو اللي يحبه واعطر ملابسه كل يوم وابخرها واحاول اسال عياله عنه واسال اهله عن اخباره حتن اهلي احاول آخذ معلومات منهم، جني قاعده بديره ثانيه! والله ما بي اخسره، يارب تحنن قلبه علي لاني احس انه قاسي في معاملته معاي. وشكرا للي يدعيلي ويتواصل معاي الله يوفقكم ويبعد كل هم ومكروه عنكم.

om_zezo

الله يعينج حبوبه ماعليه الله ماراح يضيع صبرج ... وعارفه مو سهل الي تمرين فيه بس الله يرده لج مثل ماتبين واحسن من اول

@سديم2007@

السلام عليكم اختي الزهره الحزينه ان شاء الله تكونين بخير
ميخالف ياوخيتي طولي بالج شوي ان الله اذا احب عبدا ابتلاه وانتي الحين الله قاعد يختبرج فكوني من الصابرين ياوخيتي وان شاء الله تكونين من الفايزين ويرضيج ربي ويفرح قلبج عن قريب
مارحتي حق الراقي اللي عطيتج عنوانه بالنزهه ليش مارحتيله روحيله وقوليله على اللي فيج انتي وزوجج وحاولي يروح معاج حاولي حاولي وعليج بالصحبه الصالحه وروحي دروس دينيه وخالطي داعيات واستمري بقراءة سورة البقره وحافظي على اذكار الصباح والمساء وعليج بالدعاء والاستغفار طول اليوم وان شاء الله الفرج قريب خلي ثقتج بالله كبيره ولاتيأسين ياقلبي ماشي

الزهرة الحزينة

دعاء للتخلص من الشيطان والعياذ بالله من شره:
اللهم انك سلطت علينا عدوا عليما بعيوبنا - يرانا هو
وقبيله من حيث لانراهم -- اللهم آيسه منا كما آيستـه من رحمتك وقنطه
منا كما قنطـته من عـفوك -- وباعــد بيننا وبينه كما باعـدت بينه وبين
رحمتك وجنتك.

كويتيه 81

الله يساعدج عليج بسورة البقره

الذهبه

سالي82

@سديم2007@

وينج يالزهره الحزينه
شخبارج بشري ان شاء الله كل شي زين؟