ابي حل تكفوون

المشاركة الأصلية كتبت بواسطة num1 لايبه شفيكم يابنات بعدين يمكن الجلب يقلب السالفه عليها , ماتدرون الشباب عندهم أساليب ماتخطر عالبال وشلون يقدرون يغيرون الحقائق بعدين افرضوا انها قالت حق أمها وأمها دقت عليه وزفته وشخلته شخال يمكن يشوه سمعتها عند أهله واهلها ,عاد المسيجينه ماتسوى عليها سالفه :( شوفي ياقلبي خليها تكمّل طريقتها بالتطنيش والتسكيب << والله هذا أحسن طريقه تحرّه وتغثه وتخليه يفلفل انتي فكري فيها اذا تميتي ترسلين مليون مسج والطرف الآخر مطنش أكيد بتملين وتوقفين ارسال مسجات عالعموم الحقران يقطع المصران هذا الحل الأول وأنا أفضله أما الحل الثاني فهو , انج ياشاطره تخلينها تبدل رقمها وماتعطيه احد من بنات خالتها اللي هم خواته واذا يبون يكلمونها أويدقون عليها أكيد تليفون البيت يكفي واذا اسألوها شلون عايشه بدون تليفون تقولهم هذا رقم أمي استخدمه أو رقم أخوي الصغير ما أقدر أعطيكم لأنكم ماراح تحصلوني كل مرّه . أنا فكرت في انها ممكن تواجهه سواء تدق عليه أو ترسل له مسج تذكره بربه وبخواته , بس مو كل الشباب ينفع معاهم هالأسلوب الله يكون بعونها أتمنى أكون ساعدتج حبيبتي :)

شفت شلون أنا قلت من الأول ان هالطريقه ماتنفع معاه ,لأن مو كل الشباب مثل بعض

بس واضح جدا من ردّه أنه كلّش مو متربي وكلّش ماعده دين ولا يعرف ربه عسى الله يهديه
بس على فكره اذا اهو يدز المسجات من فتره لي فتره ماعتقد يأثر فيها بس يوصل المس تمسحه وانتهت السالفه

اما اذا كل يوم يدز ومأذيها فعلا , فلازم تشوف لها أحد تثق فيه , يشوف لها حل مثلا اذا أخوها مو وايد صغير ويعتمد عليه يكلمة من تليفونها ويلعن بوخيّره , أو تشوف أحد من خوالها أو أي خاله من خالاتها غير أمه , بس قبلها تحفظ المسجات اللي يرسلها لها وتدز له مسج يخليه يستحي على ويهه وطبعا اهو ماراح يستحي بالعكس راح يدز مسج, مثل اللي قلتي عنه فوق ففي هذي الحاله يكون عندها اثبات ودليل قوي على انها متأذيه منه وانه اهو اللي قاط نفسه عليها واهي مالها اي علاقه فيه اذا تبلّى عليها

الله يعينها ويفكها من هالجلب اللي عايش مثل الحيوانات وعباله الناس مثله قطيعه تقطعه

أنا أقووول تقوول حق أبوه الي اهوا خالها أحسن اذا الأم فيها ضغط خل اهيا تتصرف تكلم خالها من غير لاتدري امها عشان مايصير فيها شي لاسمح الله و خالها يوري شغل الله .....مو حل انها تسكت و تطنش يمكن يتمادى واذا عن ان يقلب عليها السالفة خل توري خالها المسجات عشان يكون عندها دليل و اتمنى اني فدتج والله يوفقها ان شاء الله
تحياتي