|  |
 |  |
 |  |
 |  |
 |  |  |  | ||
| |||||||
القرقيعان في الخليج ,, تراث اتمنى ان لا يندثر ..
موضوع في ليكن رمضان هذه السنة مختلفاُ
| | LinkBack | أدوات الموضوع | انواع عرض الموضوع |
04-04-2009, 08:59 AM
| #1 | ||||
| مشرفة عامة  عوازم هيبه وقوه ولابة كلها فرسان ,,رجال من يعرف أفعالها يفخر بطاريها ..
|  القرقيعان في الخليج ,, تراث اتمنى ان لا يندثر .. السلام عليكم اخباركم؟؟ مافيه احد مايعرف القرقيعان كل دوله خليجيه تحتفل فيه اليوم حبيت احط موضوع الصراحه مابقى مكاان الا ودورت فيه وجبت لكم كل شئ عن هالعاده واتوقع كلنا جربناه وانسطنا فيه ورددنا اناشيده >>ايام واذا في حد مايعرف القرقيعان راح اقوله ان القرقيعان اهم العادات الشعبية في الإمارات يطلق عليها "حق الليلة " "، وفي عمان يطلق عليها "الطَلْبة "، وفي السعودية والكويت " القرقيعان "، في قطر تعرف بليلة " الكرنكعوه " ،أما في البحرين فهي تسمى ليلة" القرقاعون". كلها مسميات لعاده واحده هي عاده منتشرة بشكل واسع في كل من الكويت و السعودية و قطر و الإمارات و جنوب إيران و البصرة و غيرها من مُدن العراق ، وبعض من البلاد الإسلامية . القرقيعان نعتبره مهرجان للأطفال لانهم هم اللي يدورون في الشوارع والحارات ويدقون على أبواب خلق الله فرحه وسعاده بهذه المناسبة الرمضانية الي توارثتها الأجيال وهم يلبسون الملابس الجديدة الي تخاط لهم خصيصاً و يحملون معهم أكياساً يجمعون فيها الحلوى و المكسرات التي يحصلون عليها من أصحاب البيوت يالي يدقون أبوابها . ويرتدي البنين في هذا اليوم الطواقي وتلبس البنات "البخانق" فوق الفساتين. وهذي صور اللابس اللي يلبسونهم البنوتات دراعه  ثوب النشل  بخنق  وهذي اشكال لأكياس القرقيعان    وفي السنوات الأخيرة صارت المكسرات توضع في أكياس أو علب أو علي شكل لعبة يتم إعدادها حسب رغبة "المقرقع" بينما كانت المكسرات في الماضي توضع مخلوطة في إناء تغرف منه المرأة بوعاء صغير أو باليد وتفرغه في كيس أو جيب كل طفل وهذي صوور القرقيعان في الوقت الحالي         وراح ابدا معكم بأهازيج القرقيعان في كل دوله من دول الخليج أهازيج القرقيعان في المملكه العربيه السعوديه : قرقع قرقع قرقيعان ام قصير ورمضان عطونا الله يعطيكم بيت مكه يوديكم يوديكم لأهاليكم ويلحفكم بالجاعد عن المطر والراعد ،، أهازيج القرقيعان في الإمارات : أعطونا الله يعطيكم بيت مكة يوديكم جدام بيتكم وادي والخير كله ينادي أعطونا من حق الله والله والله الرازق ،، أهازيج القرقيعان في الكويت : قرقيعان و قرقيعان بين اقصير و رمضان عادت عليكم صيام كل سنة وكل عام يالله تخلي ولدهم يالله خلي لأمه يالله عسى البقعة ما تخمه و لا توازي على أمه ،، أهازيج القرقيعان في البحرين: سلم ولدهم يا الله وخله لأمه يا الله اييب المكده يا الله ويحطها في جم امه يا شفيع لأمه ،، 77 ما اعرف اترجم أهازيج القرقيعان في سلطنة عمان : مرنقشوه يوناس عطونا شوية حلواي دوس دوس في المندوس حاره حاره في السحاره واذا لم يحصل الاطفال على القرنقشوه يرددون : قدام بيتكم صينيه ورا بيتكم جنيه ^^عجبتني خخخخخ أهازيج القرقيعان في قطر : قرنقعوه قرقاعوه عطونا الله يعطيكم بيت مكه يوديكم يوديكم لأهليكم يامكه يالمعموره يا أم السلاسل والذهب يانوره عطونا دحبة ميزان يسلم لكم عزيزان عطونا دحبة ليفه يسلم لكم خليفه ،، أهزوجة الماجينة العراقية : ماجينه يا ماجينه حل الكيس و انطينه انطونه الله ينطيكم بيت مكة يوديكم واذا ماحد عبرهم مرره : يا أهل السطوح تنطونه لو نروح انا اخلصت بس عندي كم سؤال ودي تجاوبون عليهم س1\عشت هالتجربه ؟ اوصف لنا متى وشلون وكيف؟واذا ما عشتها هل ودك تجربها ؟ ؟؟ س2\موقف صار لك بالقرقعان ماراح تنساه؟؟ س3\ ناس ماتتذكرهم الا برمضان او شئ ماتتذكره الا برمضان؟؟ =================================== منقول
| ||||
|
| الأعلانات |
 |
|
04-04-2009, 09:22 AM
| #2 | ||||
| Vip  كـــــافــــــي صـــدمــــــات بـحــيــاتـــــي ..
|  مشكورة حبيبتي على التمييز قواج الله على الجهود الواضحة ;)
| ||||
|
|
|
04-04-2009, 01:08 PM
| #4 | ||||
| مشرفة: المجلس العام / ســاعــدونـي  عمر الغلا ماكان شي آرآدي ......}~
|
| ||||
|
|
|
04-04-2009, 02:29 PM
| #5 | ||||
| مشرفة :معارض نسائية / السلع المستعملة و الايجار / أزياء
| مجهود قوي جدا واضح تقبلي مروري
| ||||
|
|
04-13-2009, 07:41 AM
| #6 | ||||
| مشرفة عامة عوازم هيبه وقوه ولابة كلها فرسان ,,رجال من يعرف أفعالها يفخر بطاريها ..
| 
| ||||
|
|
|
04-13-2009, 08:36 AM
| #7 | ||||
| عضوة مميزة ۩♥ الله يحفظك لي يا وليدي ♥۩
 | 
| ||||
|
|
|
04-14-2009, 07:21 PM
| #8 | ||||
| مشرفة عامة عوازم هيبه وقوه ولابة كلها فرسان ,,رجال من يعرف أفعالها يفخر بطاريها ..
| انا اخلصت بس عندي كم سؤال ودي تجاوبون عليهم س1\عشت هالتجربه ؟ اوصف لنا متى وشلون وكيف؟واذا ما عشتها هل ودك تجربها ؟ ؟؟ س2\موقف صار لك بالقرقعان ماراح تنساه؟؟ س3\ ناس ماتتذكرهم الا برمضان او شئ ماتتذكره الا برمضان؟؟ بنات ما جاوبتوا على الاسئله ابي تفاعل اللي يخليكم يلا يا حلوين ناطره مشاركاتكم ...
| ||||
|
|
| العلامات المرجعية |
| أدوات الموضوع | |
| انواع عرض الموضوع | |
العرض العادي
| |
