باركووووووولي

قدساوويه

باركوووووولي جبت إمتياز
بس عندي مشكلة قاهرتني حدي وأبي حل ممكن إذا فيه أحد عنده خبره يساعدني أو يشووور علي شسوي
إختباراتنا كلها متسربه المد تيرم والفاينل عندي بنات بشعبتي لهم علاقات مع أساتذه بالمعهد ومعطينهم الاختبارات النظرية كلها أغلب الأيام غياب وحتى لما يكونون مداومين مايحضرون المحاضرات بس نشوفهم عند الباب مرتزين ينطرون أهلهم ووقت الاختبار يجون شاقين الكشره من الوناسه حافظين الأسئلة المقالي و الموضوعي أنا كنت ماأصدق ليما أخذت عن طريق وحده من البنات أسئلة ماده من المواد مو علشان أحفظ بس ابي أتأكد لأني بصراحة وسواسه أحاتي كل الأسئلة وأتوقعها كلها تجي بس إنصدمت لما شفت الاختبار قسما بالله أنه 7أسئلة مقالي والبنت اللي معطتنا الأسئلة ما علمتنا سؤالين علشان تضمن إنها تاخذ بروحها الامتياز والاختياري علمتنا 5 والمسطلحات علمتنا 4وواحد خلته لنفسها والصح والغلط علمتنا 9بس على من درست كل الكتاب والتوفيق من الله سبحانه وتعالى بس اللي قاهرني أنه 4 مايستاهلون ماخذين إمتياز بعد ورفيجتي مسكينة منتظمة بالدوام وتدرس من قلب بس وقت الاختبار ما أدري شيصرلها ما تحل عدل ماخذه جيد جدا
إشرايكم أنا كنت أبي أكلم مديرة المعهد بس رفيجاتي قالولي لا تسويين شوشره وقت الاختبارات وأنا ما أبي أضر أحد بس بنفس الوقت ما أتعب وغيري ياخذها بارده مبرده شوروا علي جزاكم الله خير أنا والله ماني حاسده أحد بس هذا مو من حقهم

اقبال79

الكل يشكي من التسريب مو بس بالمعاهد بجميع المراحل الدراسيه
وهذا الموضوع اللي اسمعه داير بين الاهالي بشكل مو طبيعي
والامتحانات تباع من قبل بعض المدرسين اللي يسووون الامتحانات

أنا وليلى

يعني شنو تبي تسوي مديرة المعهد ..
يا حبيبتي فهمي ان نظام المعهد مختلف كلياً عن المدارس .
المعهد مستقل من ناحية الامتحانات .. يعني الدكتور بكيفة يحط الاسئلة ومافي احد
يحاسبة ويراجع ويدقق من وراه .. يعني لو ينجح كل الطلبة بدوون فاينال محد يحاسبة .

عندنا دكتوور انجليزي .. وقت الفاينال يطلع الشباب كلهم برا القاعه .. وينادي واحد واحد بالترتيب
ويمتحنه برووحه داخل القاعه .. تخيلي امتحانة شلوووون ..!!

اييب معاه جمله صغيرة ويقول حق الطالب اقرا هالجملة .. ولما يقراها الطالب يقووم الدكتوور
ويخفي الورقة عن الطالب .. والدكتور يقراها والطالب يكتبها .. وبنفس الوقت يحط الدرجة والتقدير .