خنت زوجي وماني ندمانه

كان كان

الله يهديج و يهدي زوجج اثنينكم غلطانين بس انتي خليج مراه سنعه وشاطره وعالجي الغلط بالصح مو بالغلط 000نصيحه من اخت هومو خسران شي (((((((استغفرالله مايملى عيونهم الا التراب))))))))))انتي لحقي على نفسج قبل احد يصيدج انتي اللي بتروحين فيه قسم بالله ومرده لج 00000وقبل هذا كله خافي ربج 00حراااام اعيالج ووين مصيرهم ترضين بكره يتدجججون ويضيعون بكل مكان ترا ماراح احد يستحملهم000 مايعورج قلبج عليهم 0000بكره انتي بيت وهم بيت 00ترا ماحد نافعج الا هم والله 0000واللي اتكلمينه نصااااب وراااح يستغل ضعفج ومشاكلج انتبهي 0000لاتشكين له من زوجج والله بكره يواجهه بكل شي 0000لايكون يسجل كلامج والا يصورج 00000 الله يعين

hodazz

عسى الله يهدي الجمييع يارب

navigator-1

السلام عليكم
انتي ما تكلمتي عن مشكلتج داخل هالمنتدى إلا لأنك حاسه انك غلطانه ومحتاجه ان احد يوجهج ويساعدك .. زوجك غلطان بتصرفاته... وخيانته اكيد لها اسباب ماودنا نتطرق لها ولكن اذا عرف السبب بطل العجب .. انتي من كلامج تتمنين انج تعيشين حياة هاديه ولكن انتي تصرفتي من باب الانتقام وصدقيني اذا انفتح هالباب راح يكون صعب عليج ان تفتكين منه خصوصاً اذا تم استغلالج .. مثل ما قالوا اخواتي بما هو معناه انج تنتبهين حق نفسج وتفكرين في سمعتج وفي عيالج ولا تخلين الشيطان يوسوس لج ان خيانتج هي الحل .. لا تدمرين نفسج بلحظة غضب وبلحظة انفعال .. ولا تلتفتين لتصرفات اهله انتي نوعج حساسه حييل وهالشي مايخليج تفكرين بالطريقه الصحيحه .. تعوذي بالله من الشيطان ولا تخطين خطوه راح تندمين عليها باقي عمرج وماراح ازيد على كلام اخواتي اللي سبقوني في نصيحتهم لج .. ونسأل الله ان يهديج انتي وريلج ويوفقكم ويسعدكم .. اقطعي علاقتج من الحين في الشخص اللي تكلمينه علشان يرتاح بالج ولا ياخذج بالكلام المعسول.

كويتية توتة

والله الله يعينج قلبي

بس ماعليه صبري وابغض الحلال عند الله هو الطلاق بس انتي ماتقدرين تعيشين معاه خلااص اخذي عيالج وتطلقي ومالج شغل من احد واهلج تفاهمي معاهم انتي تعبتي وانشالله بتحل اموورج

بس لا تخونين حرام عليج فكري بنسج انتي اللي تسوينه يسئ لج قبل لاي احد واستغفري ربج واللي تكلمينه بس يبي ونااسته ولا يهمه شي ديري بالج ع عيالج احسن لج

وربي يسهل

ابداعq8

شفتي نظرتج له شلوون خاااين

شلون انتي تصيرين مثل هالمكان

افاا بس افاا
شلوون ترضينها على نفسج يابنت الاصووول..

demis

عادي ممكن تخونين زوجتك وبكل بساطة لكن فكري بهالأشياء قبل لا تسوين أي شي :
أولا : إذا خنتيه فإنتي مو قاعده تخونينه هو بالعكس انتي قاعه تخونين شرفك ، وشرف عائلتك وسمعتك وسمعة اهلك .
ثانيا : اذا كنتي تبين تنتقمين منه بخيانتك له فإنتي في الحقيقة تنتقمين من نفسك ومن طهارتك ومن أنوثتك ومن نفسيتك ومن ضميرك .
ثالثا : قبل لا تخونين زوجك فكري للحظات وانتي امام رب العالمين بهالصورة النجسة بأحضان رجل غريب يمارس معاك الفاحشة وتصوري غضب العلي القدير من تصرفك هذا .
رابعا : تخيلي اللحظة اللي تنتهين فيها من خيانة زوجك ، راح تحسين بإحساس رهيب من تعذيب الضمير وتحسين برائحة نجاسة طالعة من جسدك ما احد يشمها غيرك .
خامسا : وانتي اجعة البيت بعد ما تخونين زوجك راح تعيشين بدوامة أفكار ما لها أولا ولا آخر وراح تحاصرك تساؤلات كثيرة : ليش سويتي جذيه ؟ وهل الثمن اللي دفعتيه من شرفك يستاهل لمجرد الانتقام من زوج خاين ما يستحق البكاء عليه .
سادسا : تصوري احساسك وانتي داخله البيت وصادفتك أمك أو وحده من خواتك أو واحد من إخوانك أو أبوك مثلا ، صدقيني راح تحسين انك بعتي تربيتهم لك بأرخص ثمن وإنك جلبتي لهم العار حتى لو ما دروا باللي سويتيه ، ويكفي إنك بداخلك راح تعيشين هالإحساس وانتي بين اهلك وأحباباك اللي وثقوا فيك وربوك على الأخلاق والشرف .
سابعا : لو فرضا كان عندك عيال ، شلون راح تحطين عينك بعينهم حتى لو كان طفلك رضيع ، صدقيني راح يكون احساسك عبارة عن مهانة ومذلة امام نظرات طفلك البريئة لك ، فشلون تبيعين شرقهم بدون اي احساس وتحطين راسهم بتراب النجاسة بهالسهولة .
ثامنا : ما راح تتهنين أبدا بنومة الليل وراح يطاردك كابوس الندم ، وما راح ترتاحين أبدا لأن نار الندم بهالأمور تحرق أعصابك وراحة بالك .
تاسعا : تصوري ان اللي خنتي زوجك معاه صورك وانتي ما تدرين أو سجل صوتك وانتي تتكلمين معاه بامور جنسية ونشر هالصوير أو هالتسجيل فشنو راح يكون موقفك جدام اهلك وناسك ورفيجاتك بالدوام ؟
عاشرا : أكيد انك بنظر نفسك غالية وتعتزين بنفسك ، لكن اذا بعتي شرفك لأي سبب كان فصدقيني ما راح تحسين بعدها بأن لك قيمة بعين نفسك قبل عيون الناس .
حادي عاشرا : الأهم من هذا كله عذاب رب العالمين اللي ينتظرك لجريمة بشعة مثل هذي .
ثاني عشر : استغري ربك وتعوذي من ابليس واقطعي علاقتك بهالإنسان اللي من خلال كلامه وعلاقته فيك يمكن يكون قاعد يخون زوجته ، يعني قاعده تتكرر مأساتك مع وحده غيرك ، لا وانتي هالمرة السبب ، استغفري ربك وصارحي زوجك بأنك تعرفين بخيانته وإنه يا إمساك بمعروف أو تسريح بإحسان مثل ما قال رب العالمين ، ورجاء لا تخسرين نفسك لأن الوقت اذا فات بهالأمور ما كو ندم ينفع ولا حسرة تصلح اللي انكسر .

الجنه مبتغاي

حبيبتي الله يلم شملكم ويكتبلك اللي فيه الخير وبقولك دعوه ودايما قوليها((الله يغنيني بحلاله عن حرامه)) الله يكون بعونك حبيبتي..

فراوله حامظه

مشكورين خواتي على ردودكم ونصايحكم لي بس انا وربي يشهد علي اني لسى ماصار بيني وبين الغريب شي لابمكالمه ولاني شفته بعد وانا تركته من اول ماكتبت موضوعي هنا لاني كنت بصراع داخلي بيني وبين نفسي وانا عارفه اني غلطانه بس ابي احد يواجهني فيه عشان ابتعد عن هاذي الخرابيط وابلس والعياذ بالله شاطر بلحظة ضعف ادعولي خواتي..