هل تسامحينه لو اعترف لك ؟

أم دهيمان · 07-04-2009, 11:53 PM

أسامحه بعد ماأختبرة أهو صج تاب وإلا لا@وبعدين ما آخذها سالفه عليه وأعايرة@شي ونسيناه@وأقعد معاه وأصارحه بكل شي ليش خاني @وشنو لقى عندالعشيقه وما لقاها عندي@وأذكرة بحساب العزيز المقتدر@ليما أخليه ما يفكر مرة ثانيه بالخيانه@وتسلمين حبيبتي@وأرجو ردنا فاد صديقتك

demis · 07-05-2009, 01:30 AM

مشكورين خواتي على ردودكم الطيبة ومشكورة يا أم دهيمان على ردودك العسل اللي تعبر عن شخصية روحها نقية وطيبة ةعساك دوم سالمة .

حبيبت نايف · 07-06-2009, 02:31 AM

اكيد لازم تتركين البيت عشان مااتبينيله السالفه انها هينه واكي من داخلج مقهوره بس لا تهدمين بيتج ومنها عشان مصارحته لج شغله حلوه بس عقبها ارجعي بشروط تهد حيله وتكون حياته كتاب مفتوح لج من اليوم ورايح

أميرة القلوب · 07-06-2009, 03:43 AM

والله انا رايي انها تسامحه لانه لو ناوي يعيدها ماصارحها كان ممكن يسكت ولا من شاف ولا من دري ولاينكد على عمره سامحيه وبينيله انج قد الموقف ومقدره مصارحته وشجاعته وعن خبره الرجال مايقدر يقول هالشي لزوجته الا اذاكان عاض اصابعه ندم ويحبها الله يوفقها ويصلح مابينهم ويبعدعنهم بنات الحرام أجمعين

نواااال · 07-06-2009, 07:01 AM

والله شوفي دامه اعترف وحاس بغلطته اكيد بسامحه لانه الي تحب شخص مستحيل تخلي عنه بسهوله
يعني الزوج مثل الضني تقدرين تخلين عن ولدج اذا غلط اكيد لا صحيح بكون مجروحه من داخلي ومن كسري فيني اشاء كثير حلوه وبسال نفسي ليش من الاساس راح لها انا شنو ناقصني بس الرياييل في هالوقت الاغلبيه يخونون من ورا حريمهم واذا حريمهم دروو مايهتمون بشي هذا بالعكس يقولها عاجبج هالوضع عاجبك مو عاجبج عندج بيت اهلج انا انصح صديقتج تهتم بزوجها والنسيان نعمه من الله وتبدا تغير حياتها وتحاول تجذب زوجها تشوف شنو الي ناقصها وتكمله

مناوي الكويت · 07-06-2009, 07:30 AM

ما قصرو البنات بردودهم الحلوه
سمعيني عدل كلنا ازواجنا خانونا بس هذي مو اخر الدنيا لا هذا زوجج ابو اعيالج اكيد ما قصرتي معاه
بس شدقولين عن بنات ابليس الي يبون اي ريال وبس ما همهم متزوج او لا
حطي بالج على زوجج مهما غلط فهو لج بالاخر وزين منه اعترف لانه يحبج وحس يالندم
وهذا ابو اعيالج انتي مو اول وحده يخونها زوجها لا في حريم اخس
في رياييل يطقون زوجاتهم علشان عشيقتهم
انتي حمدي ربج واشكريه
واحنا يالكريم لما نتزوج انصير مثل الطوفه مانعرف اشلون نتعامل مع رياييلنا
حطي بالج لا تقولين بعاقبه الريال لو بسوي شي سواه ما همه لا اعيال ولا شئ
الحين بنات ابليس يدورون على الرياييل
اهتمي فيه جابليه 24 ساعه
مو انتي ابصوب واهو ابصوب لا قعدي يمه لا عبيه
اصبري عليه
ولا تفضحينه عند اهلج ولا اهله باجر تندمين ندم
خلاص اعترفلج هذي كانت نزوه من الشيطان واعترف بغلطه

والي غلط معاها تلقينها وحده من بنت الشوارع امها ابصوب وابوها ابصوب الله يكفينا شرهم
سامحيه اهو ابو اعيالج مالج غنى عنه