:: تحميل برنامج Internet Download Manager 5.18 Build 8 (آخر رد :slim87)       :: تعالي طلي .. صور البدل واسعارهم ومقاساتهم ليوسف الجسمي ووسميه الحربي 2010 (آخر رد :كويتيه كول)       :: شوفوا الخيانة لحد وين وصلتنى (آخر رد :قفشه منخشه)       :: روووووووووووعه للإيجار(شامل الصوووووووووووور) (آخر رد :سليل الحب)       :: حلويات روعه عجيبه جديده (آخر رد :shosho5)       :: خلخال للقدم ..صو (آخر رد :shosho5)       :: أكياس الضغط النوعية الممتازه وصلت سارعي فالكمية محدوده (آخر رد :مندوبة تسوقية)       :: لمبه طواراى بحجم كارت بنك ..صور (آخر رد :رفاعيه)       :: بـدلة استقبـال روووعـه من انسام الخلف فرش .. (آخر رد :سليل الحب)       :: بدلات سهرة للبيع (آخر رد :نبع الإحساس)      

   

Content on this page requires a newer version of Adobe Flash Player.

Get Adobe Flash player

         

العودة   منتديات كويتية النسائية > الاقسام العامة > نادي المعلمات

نادي المعلمات ركن يهتم بطرح ومعالجة قضايا التعليم وشؤون والمعلمات


برامج الإذاعة -- يبيله

موضوع في نادي المعلمات

إضافة رد
 
LinkBack أدوات الموضوع انواع عرض الموضوع
قديم 07-22-2008, 08:10 PM   #17
عضوة مميزة
 
الصورة الرمزية سارة
إحصائية العضو









 
افتراضي

ولايهمج ابلة خلوووووووووود

اخذي هالبرنامج يصلح للرياااضيااات
المرحلة الابتدائية وسادس بعد
الأدوات:
حبل عاادي
مشااابك عااادية نبي البلاستك
وبطاااقااات مكتوب عليها ارقااام وعلامات الجمع والطرح والقسمة ويساااوي
تثبتين البطاقة الأولى فرضا:
نعلق رقم 8والبطاقة الثانية× _____والبطاقة الثالثة = ونثبت هالرقم 48
ونخلي البنت دور البطاقة اللي حاصل ضربها بـ8يطلع 48>>>>>>>>>>>(6)

طبعا الحبل يمسكونه بنتين من بنات الإذاعة تكونين ملبستهم لبس ملون يفتح النفس على هالصبح
والأبلة تكون ويا البنت إللي تحل المسائل علشان تبدل وتثبت وياها البطاقة

ويكون في جوائز :
كوبونات مشتروااات من المقصف



ام الشيخةةةةةةةةةةة:

شرااايج تنتقلين عندنا ؟

سويت يوم اجتماااعي خاااص بالمعلمات بيوم المعلم

وطلبت من الكل يشااارك حتى الإدارات ومنفذات الخدمة لكن مالهم خلق !!

مع العلم إني قلت لهم إني بضبطهم برنامج يقدمونه لكن !!!!!!!!!





ساعات باريس هيلتون الأصلية
لطفا اضغطي هنا لمشاهدة بقية الموديلات

سارة غير متواجد حالياً   رد مع اقتباس
قديم 07-22-2008, 09:36 PM   #18
عضوة مميزة
 
الصورة الرمزية خلود رياضيات
إحصائية العضو








 
افتراضي

يعطيج العافية حبيبتي ساره والله البرنامج حلو

وآنا اول وحدة بغش البرنامج منج بس ما راح انتقل مدرستكم -- لووووووووول

يلا اللي بعده ابلاتي

خلود رياضيات غير متواجد حالياً   رد مع اقتباس
قديم 07-23-2008, 10:25 PM   #19
عضوة مميزة
 
الصورة الرمزية خلود رياضيات
إحصائية العضو








 
افتراضي

في مسرحية لهدى حسين اسمها سندريلا وفيها اغنية عن الراعي مع اغنيماته

ان الراعي يكذب واهل الديرة يفزعون له في كل مرة ولما صارت الصجية الكل كشت فيه

ف اللي حابة تحط الاغنية ويصير مشهد تمثيلي --- او انها تصير مثل القصة وفيها راوي للاحداث

ويعطيكم العافية

خلود رياضيات غير متواجد حالياً   رد مع اقتباس
قديم 07-24-2008, 01:39 PM   #20
عضوة مميزة
 
الصورة الرمزية خلود رياضيات
إحصائية العضو








 
افتراضي

بسكم نووووووووووووووم

ترى قربت المدارس ابلات شدو حيلكم بتأذيكم ابلة الإذاعة تبي برامج

يلالالالالالالالالالالالا لالالالالالالالالالالا الهمة

خلود رياضيات غير متواجد حالياً   رد مع اقتباس
قديم 07-26-2008, 10:19 AM   #21
عضوة نشيطة
 
الصورة الرمزية وافية*
إحصائية العضو








 
افتراضي

مجموعة من المسابقات والأفكار الحلوة للإذاعة المدرسية وان شاءالله تعجبكم
1- الفكرة الأولى:
التوأم وهي عبارة عن اعلان في الإذاعة عن التوائم الموجودة في المدرسة ويطلعون بالطابور ويوقفون صف واحد ونحييهم ويكون فيها نوع من الاكشن ولفت الانتباه واخر شي تعطونهم هدايا رمزية
2- الفكرة الثانية:
حوار صريح مع مديرة المدرسة تحطون طاولة وكرسيين ويصير مثل لقاء قصير مع المديرة وتسئلينها 3 اسئلة( طبعا مع اي ناظره الناظره اللي تحسين فيها تتقبل هالشي) انا عن نفسي سويت هالشي مع ناظرتنا واستانسنا بالطابور
السؤال الاول (على من تطلقين لقب المعلمة الهادية؟
السؤال الثاني( على من تطلقين لقب المعلمة المطيعة؟
السؤال الثالث ( على من تطلقين لقب المعلمة النحلة؟ ( يعني المعلمة الشاغولة واللي تكرف وايد بالمدرسة)
وطبعا كل اسم تقوله الناظرة يطلعون المدرسات ونعطيهم جوائز
3-الفكرة الثالثة
( من هي)
صورة للمعلمة وهي صغيرة وتكبرينها وتعرضينها بالطابور وهذه المسابقة للمعلمات واللي تتعرف على هالمعلمة لها هدية ( انا اخترت صورة الاخصائية وصورتي ) وكانت الصراحة مفاجأة واكشن حلو بالطابور
4- الفكرة الرابعة
( شخصية مشهورة) وهذه الصراحة عجبت الكل
اتفقت مع فنان كويتي مشهور بمسرحيات الرعب يحضر طابور الصباح عشر دقايق وينصح التلاميذ وخصوصا ان بهالوقت توهم حاطين كراسي يديدة وطاولات بالصفوف فكان ينصحهم بالمحافظة على مرافق المدرسة واخر شي شكرناه وقدمت له الناظرة درع ( ملاحظة تقدرون تختارون لا عب كرة قدم انا عن نفسي اخترت هالفنان لان له جمهور ومعروف
5-الفكرة الخامسة
( مسابقة بدون نعم او لا)
تختارين معلمة وتسئلينها كذا سؤال بس بشرط تكون اجاباتها بدون نعم او لا يعني مثلا تقولين لها شنو اسمج تقول منى تقولين لها منى؟ لازم تقول منى ماتقول اي منى شنو سيارتج تقول مرسيدس تقولين لها متأكدة ويكون جوابها متأكدة مو اي متأكدة............ ...... الخ
6- الفكرة السادسة:
( تعرف على هذه الشخصية)
مثلا تبدين كلامج وتقولين ( شخصية مشهورة في المدرسة لا نستطيع الدخول والخروج ا والاستئذان إلا عن طريقها تقدس الساعة وتهتم جدا بالوقت ودائما في مكتبها لا تحضر حصص) من هي طبعا الجواب المديرة المساعدة ( الوكيلة)
مثلا ( شخصية مشهورة في المدرسة تحل اي مشكلة وتتجول بالمدرسة لحل مشاكل التلاميذ واول حرف من اسمها........ من هي ( الجواب طبعا الاخصائية الاجتماعية)
مثلا ( شخصية مشهورة في المدرسة لا يحضر حصص ولا يقف بالطابور ولا يحمل حقيبة ولكنه دائما موجود في المدرسة يستقبل الجميع عند الباب) طبعا الجواب الحارس وحلو لوتنادونه وتعطونه هدية رمزية
7- الفكرة السابعة:
يوم الورد / ( تتفقين مع التلاميذ وتقولين لهم باجر كل وحد يقدر يجييب وردة ويمسكها بطابور الصباح ( اليوم مثلا يوم الورد وكل تلميذ يحضر وردة ويكون نوع من التغيير بالطاور واصلا شكل التلاميذ وهم ماسكين الورد الصبح حلو بالطابور وحبذا لو اخر شي تختارين 10 تلاميذ يقدمون الورد حق معلماتهم علشان لا يصير ربكة
يوم اللون الاصفر / يوم اللون الاحمر/ يوم اللون الازرق ( نفس الشي تتفقين مع التلاميذ وتقولين لهم لبسوا كابات لون اصفر مثلا ..... او احمر أو ازرق ويكون شكلهم مختلف شوي بالطابور
يوم البالونات ويكون طبعا كل تلميذ يحضر معاه بالونة اي لون وفي نهاية الطابور يطيرون البالونات
8- الفكرة الثامنة:
اختاري شعار معين ( لا للعنف ... نعم للتسامح) وكتبي لا للعنف ببطاقة حمرة ونعم للتسامح ببطاقة خضره وطبعا وزعي على التلاميذ هذه الاوراق في الطابور اختاري الصفوف الامامية افضل شي وحبذا لو كان في مشهد عن العنف يمثلونه في الطابور وبعدها يطلعون التلاميذ اللي واقفين جدام ويسوون طابور عرض وهم ماسكين البطاقات وتقولين حق الكل قولوا بصوت واحد ( لا للعنف.... نعم للتسامح)
9- الفكرة التاسعة
اسئلي المعلمات عن احسن تلميذ منتظم في الحضور واحسن تلميذ في الاخلاق واحسن تلميذ في حفظ القرآن اخذي ارقام امهاتهم من الاخصائية وقولي لهم تعالوا الصبح بالطابور وبنكرم عيالكم من غير لا يدرون التلاميذ ان امهاتهم بيحضرون المدرسة وبالطابور نادي التلميذ فلان الفلاني احسن تلميذ في حفظ القران وخلي امه تطلع وتقدم له الهدية ( انا خليت الامهات قاعدين بغرفة الاذاعة ولما ناديت اسم ولدها اطلعت انا اخترت 6 تلاميذ بس للاسف ما حضروا الا 3 امهات لان الباقي كان عندهم دوامات)
10- الفكرة العاشرة:
مسابقة للعلمات تبدين كلامج وتقولين ( من هي المعلمة الشجاعة القوية اللي تقدر تشرفنا هني؟ من هي المعلمة الواثقة من نفسها اللي تقدر تشاركنا؟ من هي المعلمة الجريئة في الحق وصريحة ترفع ايدها؟
(طبعا انا لما قلت هالكلام الكل خاف ومارفع ايده) وانا حاولت اشجعهم وينكم مافي ولا ابله عندنا جريئة وشجاعة أفاااااااااااا؟ اخر شي عندنا معلمة مصرية رفعت ايدها وانا قلت لها حياج تفضلي معانا المهم طلعت بالطابور وقلت لها انتي جريئة وقد كلمتك ؟ قلت لها ما راح تتراجعين او تترددين ؟قالت لا؟
طبعا انا كنت حاطه شي بالكيس وطلعته من تحت الطاولة وقلت لها اوقفي عليه وقوليلنا جم وزنج؟؟
طبعا كان هالشي ( ميزاااااااااااااان)الكل ضحك واستغرب وهي ترددت اول شي
( لانها كانت تختوخه شوي)
المهم الكل كان يقولها يالله صعدي ويصفقون لها بالطابور وهي تضحك متردده اخر شي صعدت وانا قريت وزنها طلع ( 88)
واخيرا وليس اخرا اتمنى تعجبكم هالافكار
منقول للامانة

وافية* غير متواجد حالياً   رد مع اقتباس
قديم 07-26-2008, 12:46 PM   #22
عضوة مميزة
 
الصورة الرمزية خلود رياضيات
إحصائية العضو








 
افتراضي

يعطيج العافية اخت وافية

كفيتي ووفيتي

يلا نبي مشاركات يديدة وحلوة مثل ابلاتنا

خلود رياضيات غير متواجد حالياً   رد مع اقتباس
قديم 07-26-2008, 12:51 PM   #23
عضوة
 
الصورة الرمزية منيرة خالد
إحصائية العضو









 
افتراضي

مرحبا ابلاتي ،،، وخاصة لخلووود رياضيات
حلات موضوع الاذاعة يكون موجه للبنات الحلوات خاصة بنات الابتدائي واذا تبين موضوع لأول يوم طابور في المدرسة ويصادف في رمضان هالسنة ، اسئلي البنات متى نحتفل بيوم القرقيعان / متى نحتفل بعيد الفطر ( للبنات النبيهات بس وللضحك ) / وشنو اسم الشهر اللي قبل رمضان / وعدد اشهر رمضان في السنة / واللي تربح عطيها ماء زمزم
وسوي للناظرة سلة فيها ماء ورد شربت فيمتو وعلبة جلي وعلبة كريم كرمل ونثري عليها مكسرات وغلفيها وخلي البنات اللي فازو يقدمونها للناظرة وابشري بالامتياز

والتوفيق لكل الابلات

منيرة خالد غير متواجد حالياً   رد مع اقتباس
قديم 07-26-2008, 04:37 PM   #24
عضوة مميزة
 
الصورة الرمزية خلود رياضيات
إحصائية العضو








 
افتراضي

حياج الله اخت منيرة والله فكرتج حلوة

وجان زين الامتياز راد على فيمتو ولا جلي

والله يغنينا عنهم

شاكرة مرورج يالغالية

خلود رياضيات غير متواجد حالياً   رد مع اقتباس
إضافة رد

العلامات المرجعية

الكلمات الدلالية (Tags)
الإذاعة, برامج, يبيله

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



تصميم البيرق
برعاية البيرق للأستضافة والتصميم
Powered by vBulletin® Version [Ultimate Users]
Copyright ©2000 - 2010, Jelsoft Enterprises Ltd.
Search Engine Friendly URLs by vBSEO 3.3.0
  منتدى نسائي كويتي منتديات نسائيه كويتيه نت المرأة العصرية الكويتية منتديات منتدى - منتديات كويتية