اذكري موقف حزين وآخر سعيد....

طيبة الكويت

طيبة الكويت

أبببدأ بالموقف الحزين :
عندي طالبة يتيمة الأم وفي إحدى الحصص كان درسي عن الوالدين واجبنا معاهم ودورهم معانا.
فارفعت إيدها في البداية أخذت إجابات زميلاتها عشان ما كنت حابة أحرججها لكن إصرارها على الإجابة خلاني أسمع لها.
واللي قالته خلى عبرتي تغورق في عيوني (( الأم ما تخلي أحد يضرب عيالها ولا يأذيهم)).
حاولت أسيطر على دموعي والحمد لله قدرت.

أما بالنسبة للموقف السعيد راح أأجله لبكره عشان إذا محد شاركني أونس عمري بمشاركتي.

الحب لله

صج موقف حزين انا اذكر موقف صادفني مع طالبة لقيتها تكتب في الحصة انا كنت ابي اعرف هي بشنو مشغولة لما قربت منها عرفت انها تكتب خواطر و كلام غرامي مع انها بعدها صغيرة بس للاسف شفت هالحجي عندها لما اخذت منها الاوراق قامت تبجي و تترجاني ما اقول الى امها و عرفت انها تنطق طق المسكينة و الموقف المفرح لما خلص الفصل و سويت حفلة للبنات شفت بنات كنت اتوقعهم ما يحبوني بجوا بواجي على فراقي كنت حزينة بفارقهم في نفس الوقت فرحت لما عرفت انهم يحبوني

طيبة الكويت

الحب لله

وين الموقف الحلو ما قلتيه ؟؟

مريومه

الصراحه المدرسات يظلمون عيالهم مضمون تفوقهم واللى عندا مثلان معرفه خالته او عمته او بنت جيرانهم هذا مضمون تفوقا والله والله اللى قاعد يصير غلط بغلط اى عاد المشكله تعالى وسالى الولد تلاقينا ما يعرف كوعا من بوعا وهذا شى محزن وكارثه

ام بندر

موقف حزين : واحد من العيال اللي ادرسهم مؤدب وشاطر وخلوووق بالصف الخامس ...... توفى بحادث جدام باب المدرسة :( من طيور الجنة باذن الله


وموقف حلو :::::: لما سويت الدرس النموذجي قبل شهر والكل مدح الدرس والحمدلله حسيت بفرحه مو طبيعية لان التعب ماضاع

طيبة الكويت

شكرا مريومة ، أم بندر على مروركم ومشاركتم
والصراحة أم بندر الموقف الحزين جداً مؤثر الله يصبر قلب أهله ويعينكم