سنو وايت

ان شاء الله 3nood
مع ان شكله مافي مفر من هالتدريس
الداخل فيها مفقود والخارج منه مولود

ريتشل

انا بعد وياكم لوول
الكل ما يبي

ناديه كويست

لووووووووووووووووول انا كنت معلمة والحمدلله تقاعدت بعد 19 سنة من التدريس بس كنت احب اعلم واشتغلت وكافحت اشكثر وتقاعدت قبل 3سنوات بعد ماولدت لكن بصراحة كنت اموت عالمدرسة والبنات والشغل
وتمنيت ارد بس يوم اروح الوزارة قالولي مانبيكم مكتفين لأن مادتي اقتصاد منزلي ووايد تكدس بالمدارس حاولت لكن ماكو فايدة والحين احمد ربي الف مرة ومابي ارجع لأني اكتشفت ان ال19 سنة اللي درست فيها وكانت نتيجتها كل 4 او 5 سنوات احصل لي على علاوة الحين كل اسبوع علاوة ( صج فرق ) ومستحيل اطلع من هالمجال لأن قاعدة احقق احلامي فعلا واحلام عيالي الحمدالله من يوم دخلت بزنس الله فتحها علينا والفال لكم انشالله

سنو وايت

الله يتمم عليج حبوبة نادية كويست
ويفرج عني يارب
واشتغل بمجال احس فيه بالمتعة مو بالموت البطيء
امييين يارب

ناديه كويست

اختي سنو وايت الشي اللي انا داشه فيه هو متعة بحد ذاته والكل يقدر يدش فيه

سنو وايت

هلا نادية كويست
بس شنو نوع البزنس يمكن ماافهم فيه
يعني شنو نوعه؟

عليميه

اللي فيج يسمونه احتراق وظيفي حاشني قبل جم سنه بس الحمدالله عدت على خير بس
يا سنووايت ليش تعبانه من التدريس ؟ صدقيني مافي شغل له مميزاته مثل التدريس كفايه انج تشتغلين مع حريم واذا يتج الدوره تحلطمين على كفيج والكل يعذرج بس تخيلي لو تشتغلين في مكان مختلط صعبه؟؟؟؟؟. والعطله ماتاخذينها بالدور ( ادري مو من زين العطله وان التعب اللي تعبناه طول السنه يطلع فيها ) بس شي اهون من شي مثل ماقالت زميلتنا حاولي تغيرين المدرسه اذا مو مرتاحه فيها او اذا انتي ملوله لان في ناس جذيه يحبون التغيير والتجديد حتى لو كانوا مرتاحين . طالعي المشكله من ابعادها المختلفه يمكن تميتي على صف واحد درستيه سنتين ورى بعض . انا مدرسة انجليزي يمكن ماافيدج بس كل ربعي من قسم العربي والله العظيم اللي تحضر في المدرسه عشان ماتاخذ التحضير للبيت واللي تصلح في اخر 10 دقايق عشان مايتكود عليها التصحيح وهذه تساعد هذه وتعطيها اوراق عمل يعني ماشالله قايمين وشايلين بعض . اذا حسيتي انج تعبانه كلش اخذي اجازه شهر من غير مرتب بنص السنه عشان تجددين نشاطج واهي الدنيا ماشيه.

سنو وايت

والله يا اخت عليمية حدي متضايقة
انا مشكلتي مااحب القيود احب اكون حرة
المدرسة احس انها سجن وكرف ماله تالي خاص احنا العربي وع لوعة جبد وملاقة
وضغط على المدرسة يعني انا كل سنة شايلة 18 حصة بالاسبوع وفوق هذا اعمال خارج الحصص واذاعة وانشطة