السـلام عليكـم و رحمـة الله و بركاتـه .. شلونكـم خواتـي شخباركـم ؟؟ انـا يمكـن جـديده عليكـم بـس قـريت المشكلتيـن وحـبيت اعلـق عليهـم ..
اول شي بالنسبـه للمشكلـه اللـي استعرضتهـا الاخـت طيبـه مشكلـه شخصيته و حساسـه شـوي ، و كـل بـنت يختلـف رايهـا عـن الـبنت الثانيـه .. بـس فـي شـي لفـت انتباهـي انتـي قلتـي انهـا ارتاحـت لـه مـا حبتـه حبتـه !! و هـذا شـي مهـم و لازم نوقـف عـنده ارتياحهـا لـه مـو كافـي و الراحـه المتبادلـه الواحـد ممكـن يرتـاح حـق مليـون شخـص بحياتـه عـادي والارتيـاح مـا يفتـح بـيت صدقينـي .. فـوق هـذا الرجـال مـو كويتـي جنسيـه عربيـه و هـاذي مشكلـه كبيـره و احنـا مفـروض نتعـض مـن اللـي قاعديـن نشوفـه يـوم عـن يـوم حـق خواتنـا الكويتيـات اللـي تزوجـوا مـن جنسيـات عربيـه و تـأذوا و راح مستقبـل عيالهـم .. وعاشـوا مآسـي كثيـره .. انا اقـول والله يـا اختـي انـه هالعلاقـه مـا تعطـي مؤشـرات حيـل زينـه ولا هـي مشجعـه حيـل .. و زيـدي عـلى هـذا انهـا مـن عايلـه محترمـه ومـا عليهـا الـبنت .. انصحهـا انهـا تخلـص مـن هالعلاقـه بهـدوء عشـان مـا تدخـل فـي متاهـات ومشاكـل مـع اهلهـا ومـع هـذا الرجـل واولادهـا مستقبـلا .. و25 عمـر شبـاب والعمـر جدامهـا والله يرزقهـا ويوفقهـا ..
امـا الاخـت الجوهـره اللـي قاعـده تقولينـه انـا مـا اعتبـره مشكلـه بالعكـس هـذا عـرف جبلـوا عليـه كثيـر نـاس فـي السعوديـه و دول الخليـج .. لا هـي اول وحـده ولا هـي اخـر وحـده تتـزوج واحـد مـا تعرفـه .. هالشـي متعـارف عليـه واهـي معايشتـه فـي حياتهـا مـن خواتهـا مـن قريباتهـا مـن صديقاتهـا .. و اللـي بايدهـا انهـا تدعـي الله انـه يكـون رجـال طـيب وحنـون ويخـاف عليهـا .. وتحـاول تطـور مـن شخصيتهـا عشـان تصيـر انسانـه ناجحـه ..
ولا تخـاف مـن المجهـول لان الله معاهـا انشـالله واهلهـا مـا زوجوهـا الا يـدرون انه رجـال طـيب ..
اسفـه عالاطالـه خواتـي بـس مـن كثـر مـا شدتنـي المشاكـل حـبيت اتطـرق لهـا بشكـل كافـي .. والله الموفـق .. تحياتـي
|