حبيبتي الله يعينج على ما بلاج ..
المسألة واضحة ....يبدو ان هذا المكتب غشاش ( الله فوقه ) لأنه يتلاعب فيكم وأكيد متوهق بالخدامة وما يبي يسفرها على حسابه . ووايد من الخدم اتيي مجبورة ولما تشوف الوضع مو مثل مااتصورت تهون تبي ترجع ديرتها يكون الفاس طاح بالراس فمنو ياكلها ...... طبعا الكفيل .... واكثر المكاتب يقولها دبري نفسج اذا قدرتي تنحاشين انحاشي ,وياإما ترجع للمكتب ويطرشها لواحد غيركم وهكذا ....... ياإما تلاقيلها ربع من نفس جنسيتها ايخشونها عندهم كم يوم لما تتعود على الحال وتصير تشتغل بالساعات وطق البيبان ليما تجمع تذكرتها وتسافر بجواز يديد. او انها تشتغل لها شغلة ثانية ( الله يكفينا شرها ) وتزيد عدد الآفات اللي الله بلانا فيها ..ليما يمسكونها بالمخفر وبعدين يسفرونها ,,,,لا على درجة اولى ..لا وعلى حساب منو ؟؟؟؟يعني منو ياكلها ويدفع ثمن التذكرة ؟؟؟طبعا الكفيل ( الله يكون بعونه )
وكل هذا والمكتب ..المتسبب بالمشكلة .. يقبض وهو مرتاح ( طبعا مو كلهم جذي ).
يا اختي سامحيني ...طولتها عليج ...بس من حرتي ...وعشان كل وحدة تدير بالها قبل ما تاخذ خدامة .
انتو اول شي المفروض اتبلغون المخفر عنها طبعا واتعممونها .....والمكتب هذا والله يبيلها واحد يروح له ويقلبه فوق تحت ويهدده عشان يعرف ربه .....ويفضحه ..عشان يخاف ربه ..وعندج التقرير انه عطاج خادمة غير صالحة للعمل..يا يعطيج الفلوس ياتشتكينه للمخفر .
وسامحيني مرة ثانية .....بس والله شي يقهر