part 5
الصبح .. الساعه 8 الا ربع .. الشمس مشرقه
نوف قامت على صوت المنبه : آآآآآآآآآآآآآآه اصبحنا و اصبح الملك لله ولا اله الا الله ( قامت تتثاوب ) نزلت من السرير و قامت الحمام غسلت وجها .. صلت الصبح .. لبست سكيني .. تيشيرت اسود جمه طويل .. واصل ليم نص الفخذ .. وعليه صورت بنت حاطه حمره فوشيه .. وحطت قلووس لونه وردي .. ماسكرا وكحل خفيف .. تعطرت و نزلت تحت عند امها
نوف : صباااح النووور ام راشد
ام راشد : هلا يمه صباااح الخيير
نوف : شلونج ؟؟ شخبارج حياتي؟؟
ام راشد : بخير يا يمه وانتي ؟؟
نوف : بخير والله
ام راشد : قعدي يمه تريقي
نوف : لايمه اسمحي لي يالغاليه بتريق بالكافتريا
ام راشد : على هواج يا يمه
نوف باست راس امها : مع السلامه دعواتج لي يالغاليه
ام راشد : بحفظ الرحمن .. الله يوفقج وين ما تروحين
طلعت نوف من البيت .. وامها خايفه وقلبها ناغزها على بنتها .. حاسه ان اليوم شي راح يصير .. تعوذت من الشيطان وكلت حبوبها
=================================
الجامعه " هند ونوف "
نوف : صبااااح الخيير
هند : صباااح النوور هلاوالله
نوف : شلووونج ؟؟
هند : بخييروانتي ؟؟
نوف : بخيير والله
هند : يله يله تعالي الكفتيريا ترا ميته من الجوع
نوف : والله وانا بعد ما تريقت بالبيت كنت مستعجله
اسحبتها هند و راحو بالكافتيريا
====================================
الكلاس " نوف وهند ومشاري و احمد "
الاستاذ قاعد يشرح و الكل لاهي بالتلفونات .. ونصهم بالسوالف .. ونصهم بالاوراق
قاعده نوف تسولف مع هند بالمسجات
نوف " شوفي هنوووده كرفتت الاستاذ مقلووبه لووووول "
هند " لووووول انتي شوفي برطلونه مشخبطين عليه "
نوف " لووووووووول مو صج لالا امبيه شكله غلط "
هند " عفيا عفيا عاد هالمره شوفي قميصه الزرار الاخير مقطوع لوووووول "
نوف " لووووووووووووول امبيه هنوده سكتي الحين ابطها ظحكه "
هند " لا عاد هالمره شوفي ساعته مقلوبه و خربانه معلقه "
نوف " لووووووووووووووول حرام عليج خذينا كل ذنوبه "
هند " هههههههههههههه ولا بعد خلص رصيدنا "
نوف " لووووووووووووووووول "
مشاري دز حق نوف " ياحظ الفون .. جم مره طرشي عليه مسجات ! "
نوف لفت شافته يطالعها و يبتسم .. وهند انقهرررررت ماااات قهر
خلصت المحاظره
=======================================
بين ممرات الجامعه تمشي هند و نوف
هند : غربل الله ابليسج ظحكتيني
نوف :ههههههههههههههههههههه عدال يا انا قمت اظحك بروحي جنه مجنونه !!
هند : هههههههههههههههه
ولا يجي احمد بتصنع البراءه : السلام عليكم
نوف وهند : وعليكم السلام
احمد : ممكن اختي نوف تفهميني هالمسأله كلش مو فاهمها
نوف : طيب وين ؟؟
احمد : ببيتنا .. بيتنا كبير وفي خواتي وتقدرين انتي ورفيجتج تفهمينا
احمد غمز لهند لانهم مسوين خطه
نوف : انشاالله
=================================
ردت نوف البيت .. الساعه 12 الظهر
نوف : السلآلآم يمه
ام راشد : هلا حبيبتي وعليكم السلام
نوف : شخبارج يالغاليه ؟؟
ام راشد : بخير والله وانتي ها بشريني شلونج ؟؟
نوف : والله بخير يا قلبي انتي .. دقايق يمه ابدل وانزل اتغدى
ام راشد : ناطرتج يا يمه
نوف بدلت و صلت الظهر ونزلت تحت
نوف : ها ام راشد شطابخه ؟؟
ام راشد : كل خير .. مسويه ذيج السلطه الي يحبها قلبج .. ومعكرونيه بالكريمه .. ومجبوس لحم
نوف : يم يم .. تسلم هالايد الحلوه .. عساني ما انحرم منها
ام راشد : آآميين يارب
نوف : الا وين خالد ؟؟
ام راشد : بالشغل يمه
نوف : اها
وتمو يسولفون و ياكلون و يظحكوون
================================
الشقه " هند و احمد "
هند : هاااا ظبطت كل شي ؟؟
احمد : افا علييييييج
هند : فديييتك والله يعطيك العافيه
احمد : ولو انا ما انساها لما عطتني كف
هند : اي حيلك فيها
احمد بخبث : والله لا اوريها .. الا صج مشاري رفيجي يبي يجي هني
هند : عادي نخليه بالغرفه الثانيه أو بالصاله
احمد : يسلم لي هالمخ شو محلاه
هند : كاهي كاهي بدق عليها الحين تبي تبجي
===============================
ام راشد " نوف و ام راشد "
الساعه 5 ونص المغرب .. الجو حلو .. قاعدين يشربون جاي
نوف : صج يمه بروح بيت رفيجتي بفهمها مسأله
ام راشد بخوف : ومن معاه ؟؟
نوف : مع هند
ام راشد براحه : روحي يا يمه و ديري بالج على نفسج
نوف : انشاالله يله الحين ببدل و بروح لها
ام راشد : بحفظ الرحمن
راحت نوف الغرفه ولبست سكيني و تيشيرت اورنج ليم نص الفخذ .. وعليه صورة برتقال ابيض .. ومكتوب تحت سويت قيرلز .. وقلوس برتقالي فاتح .. وكحل وماسكرا خفييف يدووب يبين .. و هاند باق بيضه .. طالعه كيووت و جابت الكتب .. وراحت برا تنطر هند
جت سيارة هند وراحو الشقه
=======================================
الشقه " هند و احمد ونوف "
نوف كان قلبها ناغزها دخلت وقالت : بسم الله الرحمن الرحيم
هند بخبث : تعالي خننطر احمد على ما يجي !
نوف بشك : انتي تعرفين اسمه شلون ؟؟
هند بترقيع : ها لا امبلا .. اهوا اسمه موجود بالكلاس
نوف بعدم تصديق : اهاا
جا احمد بتصنع البراءه : السلام عليكم ورحمة الله وبركاته
نوف بعدم راحه : وعليكم السلام
هند : احمد ممكن تدليني الحمام
احمد : سيدا و على ايدج اليسار
هند بخبث تغمز له : مشكور
واحمد قعد بالقنفه الي قاعده فيها .. طلعت الكتب
نوف : اي ماده ؟؟
احمد فسخ بلوزته وقرب يمها قرب حييل
وهي تبعد تبعد لما لصقة بالطوفه و احمد صار لاصق فيها
نوف بقلبها : شسوي ؟؟ يارب يارب يارب ابي مساعدتك اهئ اهئ اهئ
نوف ما تدري شلون جتها القوه و دزته حييل .. طاح بالقنفه و تقلب
وركضت نوووووف للحمااام و دخلت داخل و قفلت الباب و تبجي تبجي
نوف : اهئ اهئ اهئ يارب يارب شلي خلاني اصدقه و جيت له ليييييييش ؟ لييييييش ما حسبت حساب لهاليوم !!
======================================
بيت ام راشد " خالد و ام راشد "
الساعه 6 ونص .. ام راشد خايفه على نووف
خالد : السلام عليكم
ام راشد بضيق : وعليكم السلام
خالد : شلونج يمه ؟؟
ام راشد : بخير يا يمه وانت ؟؟
خالد : بخير يله يمه استأذن تعباااان و باخذ شور و انام
ام راشد : انشاالله يا يمه
خالد : يله فمان الله
ام راشد متضايقه و خاافت حييل على نوف
وخذت المزهريه تبي تحطها بالصاله الثانيه الا و تنكسر المزهريه بوقت الي انكسرت المزهريه ام راشد قامت تردد : نوف نوف بنتي نوف !!
وقامت تدعي ربها و تصلي وخايفه قاعده عند الباب !!
=================================
الشقه " هند واحمد ونوف "
هند جت لاحمد : هاااا شسويت ؟؟
احمد بقهر : الـ **** دزتني و انحاشت الحمام و قفلت الباب
هند بقهر : اخسسس والله وقدرت تنجح انزين ما عندك سبير ؟؟
احمد : ياليييييييييت
هند : طيب انا الحين بنخش بالغرفه عشان بعد شوي مشاري يبي يجي
احمد يدزها : اي اي يله بسرعه
طق الجرس .. فتح احمد الباب
مشاري : هلا والله هلا
احمد : هلالالا فيك
مشاري : شالاخبار ؟؟
احمد : بخير والله
مشاري قعد و يسولف معاه
احمد : يله بروح المطبخ بجيب لك المكسرات الي يحبها قلبك !!
مشاري : يله انطرك
راح احمد .. مشاري يبي يروح الحمام
راح الحمام و سمع بجي بنت !!
قرب اكثر و سمع صوت هالصوت يعرفه مار عليه .. نوووووووووووف !!!!!!!!!!!!!!!!!!!
مشاري : يمكن اتوهم لحظه بطرش لها مسج اذا طلع الصوت بالشقه يعني هاذي اهيا .. طرش لها رساله فاضيه .. الا و يسمع صوت مسج وركض للمصدر شاف الهاند باق ورا القنفه .. خذا تلفونها .. ودق عليها من تلفونه وطلعت بتلفون نوف النغمة " على بالي ولا انت داري " سده و عصصب قال هاذي اكيد سواة احمد !! وراح للحمام و قرب وقال : نووف
نوووف عرفت انه مشاري : مشاري !!
مشاري بقهر سكر اسنونه : انتي نووووف !!!
نوف تبجي : اي
مشاري قرب للباب و دزه حيل ليم كسره وشاف نوف ضامه رجولها بالحمام و تبجي .. راح لها قعد لمستواها : منو الي سوا فيج جذي ؟؟
نوف تبجي بصوت متقطع : أ .. أح .. أحمد وقامت ترجف
سحبها وقام يركض عند الباب الا و يتذكر الهاند باق !! .. جاب الهاند باق و راح طلع من الشقه و خلا الباب مفتوح و نزل لي سيارته وركبها .. وحرك فيها راح البحر
=======================================
الشقه " احمد وهند "
احمد جا ومعااه المكسرات يدندن .. انصدم وين مشاري ؟؟
و شاف القنفه مدزوزه .. وباب الحمام مبطل .. درا ان مشاري و نوف انحاشو
كسر صحن المكسرات طق رجله بقهر : اخسسسسسسسس
وقام يصارخ : هنننننننننننننننننننننننن نننننننننننننننننننند
هند جت : هاااااا بششششر ؟؟
احمد : شبشر ؟؟ انحااااااشوووو
هند بقهر : مهما سوينا ما نقدر عليها هالـ****** الحين انا بروح بيتنا على ابو اني ما ادري عنها زين يله باي
احمد : باي
===================================
البحر " نوف و مشاري "
بالسياره كان الهدوء هو عنوان المكان !!
وقف السياره عند البحر
مشاري بطولة بال مع انه منقهر بس ما يبي يبين : ابي افهم شسالفه ليش رحتي هناك ؟؟
نوف تبجي : و .. وال .. والله .. ان .. انا .. قا ( قامت تبجي )
تعرفون شلون وحده منقهره وتبجي صرااااخ من القهر
مشاري يهديها : بس بس حبيبتي شوي شوي قوليلي الحين شسالفه ؟؟
نوف : انا لما كنت بالجامعه قالي احمد ابيج تشرحين لي مسأله انتي و رفيجتج تجون بيتنا و بيتنا كله خواتي و تتعرفين عليهم .. انا قلت مدام اني مع هند ماراح احاتي .. ووصلنا ولا هند راحت الحمام .. جان احمد ( وقامت تبجي ) كان يبي ( وقامت تبجي بصوت عالي )
مشاري فهم قصدها : الـ*** الحيوان الـ**** حسابه عندي والله لا اخليه يندم .. بس بس لا تبجين خلاص
نوف : اهئ اهئ اهئ لا تعلم احد عفيا اهئ اهئ اهئ
مشاري ابتسم : اكو خطيب يعلم الناس اسرار خطيبته ؟؟
نوف انصدمت : ؟؟؟
مشاري : انا امس خطبتج من اخوانج و لا رحتي البيت اخوج بيقولج عن موعد الملجه !!
نوف استانست : صججججج ؟؟؟
مشاري : اقص عليج انا يا قلبي
نوف : مشااااري مشكوور
مشاري : على شنو ؟؟
نوف : على كل شي سويته لي ( دمعت عينها )
مشاري مسح دموع نوف بيده : ترا دموعج غاليه يا نوف
نوف : مشكوور
مشاري : يله الحين نحرك لبيتج
نوف : اوكي
مشاري شغل اغنية غرقان لرآشد الماجد .. وقام يرقص عبط
نوف : ههههههههههههههههه بس بس لا تفضحنا جدام العالم ههههههههههههههههه
مشاري : يا فديت الظحكه انا .. عساها دووم .. اي يبه ظحكي اشماخذين من الدنيا احنا ؟؟
نوف ابتسمت : ولفت للدريشه وقاعده تدعي ربها ان الله ما يغير عليها هي وعلى مشاري
==================================
السياره " مشاري و نوف "
نوف : ثينكس .. يله باااي
مشاري : لحظه لحظه ( لف خده )
نوف استحت و نزلت بسرعه
مشاري : هههههههههه فديتها
نوف توها بتروح لباب بيتهم لفت ولا تشوف مشاري يعطيها بوسه بالهوا
نوف استحت : .....
وحرك مشاري
=====================================
بيت ام راشد
ام راشد قاعده بالصاله على اعصابها
دشت نوف : السلام عليكم
ام راشد خايفه :وعليكم السلام شفيج يمه ؟؟
نوف : مافيني شي يمه .. شفيج يا قلبي ؟؟
ام راشد : آآآه والله اني خايفه عليج
نوف بأبتسامه ترد الروح : لا تخافين يا يمه مايكون خاطرج الا طيب
ام راشد : ريحتيني يا يمه
نوف : يله يممه ببدل و انزل لج اوكيك
ام راشد : اوكي
=================================
غرفة نوف
الساعه 8 ونص .. صلت نوف العشآ .. حمدت ربها و شكرته ان هالازمه عدت على خير
نزلت نوف لامها
ام راشد : نوف يا يمه انتي كبرتي و بشوف عيالج و بفرح بعرسج
نوف وجها حمر : بعد عمر طوويل
ام راشد بابتسامه : امس يا يمه جانا خووش ولد واسمه مشاري خوانج يمدحونه .. جا و طلب ايدج .. خطبج وانا الصراحه وافقت .. واخوانج وافقو .. وانتي نبي رايج عشان نبلغ الولد
نوف مستحيه : يمه شوري من شورج
ام راشد : يعني نقول مبروك ؟؟
نوف هزت راسها مستحيه
ام راشد : الف الصلاة و السلام عليك يا حبيب الله محمد قلوووووووووووووووووووييش
نوف مستحيه : بس يمه لا تفضحينا !!
ام راشد : هاذي الساعه المباركه يا قلبي حبيبتي والله .. وبلغنا بأن الملجه الخميس هاذا
نوف بصدمه : يعني عقب باااااجر !!!!
ام راشد : اي يا يمه عقب باجر و عطانا المهر و كل شي
نوف : اوكي يا يمه اجل من باجر الظهر بروح انا وياج السوق اوكيه
ام راشد : اوكي يا يمه
نوف : والله يا يمه تعبانه ابي انام .. تصبحين على خير
ام راشد : وانتي من اهله
باست نوف راس امها وراحت نامت
============================
الغرفة " نوف "
توها بتنام الا و صوت مسج شافت المسج من ( امير الروح ) ابتسمت المسج اهوا :
دخلو الدكاتره وسط قلبي يبغون يشخصونه
شافوك بوسطه اشهقو : الله يا محلى عيونه
قلت لهم : هاذا حبيبي ارجوكم لا تقربون له
قالو : هو سبب تعب قلبك و طاعوووونه ؟؟
قلت لهم :اصلا هاذا حلاله وانا كلي فدوه لعيونه
ابتسمت نوف و دزت له :
انـآ مآليـےّ على فرقآڪ قۉة ~ ..
ۉانا بالمۉتـ حصلتڪ يـآ غآليـےّ ~ ..
إذآ في قلبڪ ـالطيب مرۉه .. !! ~ ..
طلبتڪ لـآ تخلينيـےّ لحآلــيـےّ ~ ..
===================
اعتقد اني وفيت و كفيت بهالبارت فديتكوم انتظر الردود :)
كويتيه عنونه
__________________
اللهم أغفر لها وأرحمها واعف عنها وأكرم نزلها ووسع مدخلها وغسلها بالماء والثلج والبرد ونقها من الذنوب كما ينقى الثوب الأبيض من الدنس ، وارحمنا إذا صرنا إلى ما صار إليها وجازها بالحسنات إحسانـاً وبالسيئات عفوا وغفرانا.
التعديل الأخير تم بواسطة كويتيه عنونه ; 02-01-2010 الساعة 03:33 PM
|
العرض العادي
